தேர்தல்களில் `ஹேக்' செய்து வெற்றிபெற்ற பி.ஜே.பி

தேர்தல்களில் `ஹேக்' செய்து வெற்றிபெற்ற பி.ஜே.பி

*அதிர்ச்சி  தகவல், உண்மை  வெளிவந்தது, முழுவதையும் படிக்கவும்*

2014 தேர்தலில் தொடங்கி, வரிசையாக நடைபெற்ற அனைத்துச் சட்டமன்றத் தேர்தல்களிலும், மின்னணு வாக்குப் பதிவு இயந்திரங்களை 'ஹேக்' செய்துதான் பிஜேபி வெற்றி பெற்றதாக ஹேக்கர் ஒருவர் வீசியுள்ள குண்டு டெல்லி அரசியலை அதிரச் செய்துள்ளது. 2014 நாடாளுமன்றத் தேர்தலில் வெற்றி பெற்றதில் தொடங்கி, அடுத்தடுத்து நடைபெற்ற அனைத்துச் சட்டமன்றத் தேர்தல்களிலும் பி.ஜே.பி. வெற்றிபெற்றது மின்னணு இயந்திரங்களை `ஹேக்' செய்துதான் என ஹைதராபாத்தைச் சேர்ந்த கம்யூட்டர் ஹேக்கர் S. சுஜா என்பவர் குற்றஞ்சாட்டியுள்ளது, டெல்லி அரசியலைக் கிடுகிடுக்க வைத்துள்ளது.

ஐரோப்பாவுக்கான இந்தியப் பத்திரிகையாளர் சங்கம் லண்டனில் ஏற்பாடு செய்திருந்த நிகழ்வில், S.சுஜா இந்தக் குற்றச்சாட்டைப் பகிரங்கமாக முன்வைத்துள்ளார். ஹைதராபாத்தைச் சேர்ந்தவரான S.சுஜா, பாதுகாப்பு காரணமாக அமெரிக்காவிலிருந்து `ஸ்கைப்' வீடியோ கான்ஃபரன்ஸ் மூலமாக இந்நிகழ்வில் பங்கேற்றதாகக் கூறப்பட்டது. இந்நிகழ்வுக்கு, இந்தியாவிலுள்ள அனைத்துக் கட்சிகளுக்கும் அழைப்பு விடுக்கப்பட்டிருந்த நிலையில், காங்கிரஸ் கட்சியின் கபில் சிபல் மட்டும் கலந்துகொண்டார். பல மூத்த பத்திரிகையாளர்கள் முன்னிலையில்  ஜனவரி 21-ம் தேதி நடைபெற்ற நிகழ்வில், சையது சுஜா முன்வைத்த குற்றச்சாட்டுகள் அனைத்தும் `பகீர்' ரகம்!

ஹேக் பற்றிப் பேட்டியளித்த சுஜா ``நான் 2004 முதல் 2014 வரையில் மத்திய அரசின் பொதுத்துறை நிறுவனமான `எலெக்ட்ரானிக் கார்ப்பரேஷன் ஆப் இந்தியா லிமிடெட் (இ.சி.ஐ.எல்.)' நிறுவனத்தில் பணிபுரிந்தேன். இந்நிறுவனம்தான் இந்தியாவில் பயன்படுத்தப்படும் மின்னணு வாக்குப்பதிவு இயந்திரங்களைத் தயாரிக்கிறது. இஸ்ரோ, இந்துஸ்தான் ஏரோனாட்டிகல் லிமிடெட் போன்ற அமைப்புகளுக்கும் ரேடார் தொழில்நுட்பங்களைத் தயாரித்து வழங்குகிறது.

`மின்னணு வாக்குப்பதிவு இயந்திரங்களை ஹேக் செய்ய முடியுமா?' என்று ஜூன் 2013-ல் இ.சி.ஐ.எல். நிர்வாகிகள் எங்களை ஆய்வு செய்யச் சொன்னார்கள். எங்களது ஆய்வில், வாக்குப்பதிவு இயந்திரங்களை `ஹேக்' செய்ய முடியும் என்பதை கண்டுபிடித்தோம். குறைந்த அளவு அதிர்வெண் மூலம், வாக்குப் பதிவு இயந்திரங்களில் உள்ள  டிரான்ஸ்மீட்டர் சிப்புகளை ஹேக் செய்ய முடியும். இதன்மூலம் நாம் அனுப்பும் தரவுகளை வாக்குப்பதிவு இயந்திரத்துக்குள் புகுத்தி, விரும்பிய கட்சிக்கு அதிக வாக்குகள் விழுந்தவாறு தேர்தலையே மாற்றியமைக்க முடியும். அந்த வாக்குப்பதிவு இயந்திரங்களைத் தொடாமலேயே, இதைச் செய்து முடிக்கலாம்.

எங்கள் ஆய்வு முடிவுகளைச் சமர்ப்பித்த பின்னர், பி.ஜே.பி'-யின் மஹாராஸ்டிரா தலைவர் கோபிநாத் முண்டே எங்களை வந்து சந்தித்தார்.  ` `ஹேக்' செய்ய முடியாத மின்னணு வாக்குப்பதிவு இயந்திரங்களை நாம் உருவாக்குவோம்' எனக் கூறினார். அந்த நேரத்தில்தான் 2014 நாடாளுமன்றத் தேர்தலும் வந்தது.

ஏப்ரல் 13, 2014-ல் ஹைதராபாத்தில் நடைபெற்ற வாக்குப்பதிவின்போது, மின்னணு வாக்குப்பதிவு இயந்திரங்களிலிருந்து `சிக்னல்'கள் வெளியாவதை எனது டீம் கண்டுபிடித்தது. இயந்திரங்களை `ஹேக்' செய்து பி.ஜே.பி மோசடி செய்வது தெரியவந்தது. எங்களுக்குத் தெரிந்ததை வெளியே சொல்லாமல் இருக்க, பி.ஜே.பி தலைவர்களை `பிளாக் மெயில்' செய்ய முடிவெடுத்தோம். மே 13, 2014-ல், நான் உட்பட எனது 14 பேர் கொண்ட டீம்,  பி.ஜே.பி தலைவர் ஒருவரைச் சந்திக்க ஹைதராபாத்தின் புறநகர்ப் பகுதியான `கிஷான்பாக்' சென்றோம்.

ஒருமணிநேரம் காத்திருப்புக்குப் பிறகு, காரில் வந்திறங்கிய அந்தத் தலைவர், எங்களைத் திரும்பிக்கூடப் பார்க்காமல் கடந்துசென்று, தன்னோடு வந்தவர்களிடம் எங்களைச் சுடச் சொன்னார். அவர்கள் எங்களைச் சரமாரியாகச் சுட்டதில், என்னுடைய டீம் மொத்தமும் கொல்லப்பட்டது. எனக்கும் துப்பாக்கிக் குண்டு பாய்ந்ததால், நான் இறந்துவிட்டதாகக் கருதி, சுவராஜ் மாஸ்டா வேனில் ஏற்றி எங்கோ கொண்டு சென்றனர்.

சிறிது நேரத்தில் எனக்கு மயக்கம் தெளிந்து விழிப்பு வந்தவுடன், அங்கேயிருந்து தப்பித்து எனது நண்பர்கள் உதவியுடன் அமெரிக்காவில் தஞ்சம் புகுந்தேன். இந்தக் கொலைகளை மறைப்பதற்காக, அடுத்த நாள் மே 14-ம் தேதி, கிஷான்பாக் பகுதியில் செயற்கைக் கலவரம் ஏற்படுத்தப்பட்டது. இதில், எல்லைப் பாதுகாப்புப் படையினர் சுட்டதில் மூவர் இறந்ததாகக் கணக்குக் காட்டினர். உண்மையில், எனது டீம் உறுப்பினர்களின் பிணங்களை அப்புறப்படுத்தவும், இவ்விவகாரத்தை மூடி மறைக்கவுமே இக்கலவரம் ஏற்படுத்தப்பட்டது. இதை, டி.ஆர்.எஸ்., காங்கிரஸ் உட்பட எந்தக் கட்சியினரும் கேள்வி எழுப்பவில்லை. இந்தியச் சட்டப்படி நான் இறந்துவிட்டதாகத்தான் பதிவு இருக்கிறது.

2014 நாடாளுமன்றத் தேர்தலில், உத்தரப்பிரதேசம், குஜராத், மத்தியப் பிரதேசம், சட்டீஸ்கர், டெல்லி, ராஜஸ்தான் ஆகிய மாநிலங்களில் பயன்படுத்தப்பட்ட மின்னணு வாக்குப்பதிவு இயந்திரங்களை `ஹேக்' செய்துதான் 278 இடங்களை பி.ஜே.பி. கைப்பற்றியது. 201 இடங்களில் காங்கிரஸ் கட்சி தோல்வியைத் தழுவியதற்கும் இதுதான் காரணம். ராணுவத் தொழில்நுட்பத்தில் பயன்படுத்தப்படும் அலைவரிசையைக் கொண்டு, மின்னணு வாக்குப்பதிவு இயந்திரங்களை பி.ஜே.பி `ஹேக்' செய்துள்ளது. இதற்கான உதவியை ரிலையன்ஸ் ஜியோ நிறுவனம் செய்துகொடுத்துள்ளது. இதற்குத் தேவையான குறைந்த அதிர்வெண் சிக்னல்களை ஒலிபரப்ப இந்தியா முழுவதும் ஒன்பது இடங்களில் ஜியோ மையங்கள் உள்ளன. இவற்றிலிருந்துதான் தரவுகள் மின்னணு வாக்குப்பதிவு இயந்திரங்களுக்குப் புகுத்தப்பட்டு `ஹேக்' செய்யப்படுகிறது. இப்பணியைச் செய்யும் ஜியோ நிறுவன ஊழியர்களுக்குக்கூட, எதற்காகத் தாங்கள் பணியமர்த்தப்பட்டுள்ளோம் என்பது தெரியாது.

இந்தப் பின்புலம் எல்லாம் தெரிந்ததால்தான், 2014 தேர்தல் முடிவுற்ற சில தினங்களிலேயே, பி.ஜே.பி தலைவர் கோபிநாத் முண்டே வாகன விபத்தில் கொல்லப்பட்டார். இவ்விபத்தை விசாரித்து வந்த தேசியப் புலனாய்வு அமைப்பு அதிகாரி முகமது தன்சில் அகமது, கோபிநாத் முண்டே இறப்பு, கொலை என எப்.ஐ.ஆர். போட முடிவெடுத்தபோது, ஏப்ரல் 2, 2016-ல் அவரும் அடையாளம் தெரியாத சிலரால் சுட்டுக் கொல்லப்பட்டார். இறுதியில் பழிவாங்கும் நோக்கத்திற்காக அவர் சுட்டுக் கொல்லப்பட்டதாக போலீஸ் வழக்கை மூடியது.

2015-ம் ஆண்டு நடைபெற்ற டெல்லி சட்டமன்றத் தேர்தலின்போது, மின்னணு வாக்குப்பதிவு இயந்திரங்களை `ஹேக்' செய்ய பி.ஜே.பி முயற்சி செய்தது. நானும், எனது நண்பர்களும் இணைந்து அம்முயற்சியை முறியடித்தோம். பி.ஜே.பி'க்கு விழ வேண்டிய வாக்குகளை ஆம் ஆத்மிக்கு நாங்கள் மடைமாற்றியதால், மொத்தமுள்ள 70 தொகுதிகளில் 67-லில் ஆம் ஆத்மி வெற்றி பெற்றது. சமீபத்தில் நடந்து முடிந்த ஐந்து மாநிலச் சட்டமன்றத் தேர்தல்களிலும் வாக்குப்பதிவு இயந்திரங்களை `ஹேக்' செய்ய பி.ஜே.பி முயன்றது. எனது டீம் அம்முயற்சியை முறியடித்ததால், சட்டீஸ்கர், மத்தியப் பிரதேசம், ராஜஸ்தான் தேர்தல்களில் தோல்வியைச் சந்தித்தனர்.

இந்திய தேர்தல் ஆணையம், பி.ஜே.பி., இ.சி.ஐ.எல். அமைப்புகள் எனது குற்றச்சாட்டுகளை மறுக்கும். எனக்கு அதைப்பற்றிக் கவலையில்லை. உண்மை என்னவென்பதை கூறிவிட்டேன். தேர்தல் ஆணையத்திடம் 14 விதமான மின்னணு வாக்குப்பதிவு இயந்திரங்கள் உள்ளன. நாம் கேள்வி கேட்கும் பட்சத்தில், `ஹேக்' செய்யவே முடியாத இயந்திரங்களை நம்முன்னர் வைப்பார்கள். ஆனால், தேர்தலில் பயன்படுத்துவதோ, ஹேக் செய்யக்கூடிய இயந்திரங்களைப் பயன்படுத்துவார்கள்.

இவ்விவரத்தை எல்லாம் மறைந்த பத்திரிகையாளர் கெளரி லங்கேஷிடம் கூறினேன். அவரும் இதை வெளி உலகத்திற்குக் கொண்டு வர முயற்சி செய்தார். மின்னணு வாக்குப்பதிவு இயந்திரங்களில் பயன்படுத்தப்படும் வயர்களைத் தயாரிப்பது யார்? எனத் தகவல் அறியும் உரிமைச் சட்டத்தில் கேள்வி எழுப்பினார். அவர் மோப்பம் பிடித்துவிட்டார் என்பதை உணர்ந்தவர்கள், அவரையும் கொன்றுவிட்டனர்.

அமெரிக்காவில் அடைக்கலம் கோருவதற்காக, என்னிடமுள்ள ஆதாரங்கள் அனைத்தையும் அமெரிக்க அதிகாரிகளிடத்தில் சமர்ப்பித்துள்ளேன். என்னை அணுகும் எந்தப் பத்திரிகையாளருக்கும் அந்த ஆதாரங்களைத் தரச் சம்மதிக்கிறேன்" என்றார்.

இவ்விவகாரத்தில் உடனடியாக ரியாக்ட் செய்துள்ள இந்தியத் தேர்தல் ஆணையம், ``பாரத் எலெக்ட்ரானிக்ஸ் நிறுவனமும், இ.சி.ஐ.எல். நிறுவனமும் இணைந்துதான் மின்னணு வாக்குப்பதிவு இயந்திரங்களை உயர் தொழில்நுட்பத்தில், மிகுந்த பாதுகாப்பு யுக்திகளைப் புகுத்தி தயாரிக்கின்றன. இவற்றின் பாதுகாப்பைச் சோதிப்பதற்கு என்றே, ஒரு குழு 2010-ம் ஆண்டு அமைக்கப்பட்டுள்ளது. மின்னணு வாக்குப்பதிவு இயந்திரங்களை யாராலும் `ஹேக்' செய்ய முடியாது. ஆதாரமற்ற குற்றச்சாட்டுகளைச் சுமத்தும் அந்நபர் மீது, சட்டப்படி தேவையான நடவடிக்கைகளை எடுக்க ஆலோசித்து வருகிறோம்" என்றுள்ளது.

லண்டனில் நடைபெற்ற இந்நிகழ்வில் காங்கிரஸ் கட்சியின் தலைவர் கபில் சிபல் கலந்துகொண்டதை கடுமையாக விமர்சித்துள்ள பி.ஜே.பி, ``பிரதமர் மோடியை பதவி இறக்குவதற்கு பாகிஸ்தான் உதவியை காங்கிரஸ் நாடினாலும் ஆச்சர்யப்படுவதற்கு இல்லை" எனக் கடுமையாகச் சாடியுள்ளது. மத்திய அமைச்சர் முக்தார் அப்பாஸ் நக்வி, ``வரும் நாடாளுமன்றத் தேர்தலில் காங்கிரஸ் கட்சி தழுவப் போகும் தோல்விக்கு இப்போதே காரணத்தைக் கண்டுபிடிக்கத் தொடங்கிவிட்டனர். அதனால்தான், மின்னணு வாக்குப்பதிவு இயந்திரங்கள் `ஹேக்' செய்யப்பட்டதாகப் பூச்சாண்டி கதையைப் பரப்புகிறார்கள். இந்நிகழ்வில் காங்கிரஸ் கட்சியின் சார்பாக கபில் சிபல் கலந்துகொண்டது நாட்டை இழிவுப்படுத்தத்தான்" என்று சீறியுள்ளார் முக்தார் அப்பாஸ் நக்வி.

 கம்ப்யூட்டர் ஹேக்கர் சையது சுஜா வீசியுள்ள குண்டு, டெல்லி அரசியலை அதிரச் செய்துள்ளது. இதன் பாதிப்பு எங்கேயெல்லாம் ஏற்படப் போகிறது என்பது விரைவில் தெரிந்துவிடும்.

Source: thanks - vikatan

தேசம் காப்போம் மாநாடு’ 23.01.2019 – திருச்சி தீர்மானங்கள்

‘தேசம் காப்போம் மாநாடு’

23.01.2019 – திருச்சி

 தீர்மானங்கள்

 ~~~~~~~~~~~
1. வீரவணக்கம்!

 இந்திய அரசியல் களத்தில் அளப்பரிய சாதனைகளை நிகழ்த்திய பெருமைக்குரியவர் மறைந்த முன்னாள் முதல்வர் சமத்துவப் பெரியார் தலைவர் கலைஞர் அவர்கள். குறிப்பாக, சமூகநீதிக்களத்தில் அவர் ஆற்றிய பங்களிப்பு மகத்தானவை.

அதாவது, கலப்புத் திருமணங்களை ஊக்குவிப்பதற்கான திட்டம், பல்வேறு  சாதிகளைச் சேர்ந்தவர்கள் ஒரே இடத்தில் அருகருகே குடியிருப்பதற்கான சமத்துவபுரம் திட்டம், தகுதி அடிப்படையில் அனைத்து சாதியினரும் அர்ச்சகர் ஆவதற்கான சட்டம் முதலானவற்றை செயல்படுத்தியதன் மூலம் சனாதனத்தின் அடிப்படைகளைத் தகர்த்து, சனநாயகத்தை விரிவுபடுத்தியவர் முத்தமிழறிஞர் கலைஞர்.

“மாநிலத்தில் சுயாட்சி மத்தியில் கூட்டாட்சி”என்னும் கொள்கையின் மூலம் இந்தியா ஒரு மெய்யான குடியரசாக மலர்வதற்குப் பாதை அமைத்தவர். அவர்,ஆற்றல் மிக்க அரசியல் தலைவராக மட்டுமின்றி துணிச்சல்மிக்க சமூக மாற்றத்துக்கான செயல் வீரராகவும் திகழ்ந்தவர். அன்னைத் தமிழுக்குச் செம்மொழி அங்கீகாரத்தை வென்றெடுத்து உலகப் பரப்பில் தமிழின் சிறப்பை நிலைநாட்டியவர். அத்தகைய  பேராளுமை  வாய்ந்த தலைவருக்கு இம்மாநாடு தமது செம்மாந்த வீரவணக்கத்தைச் செலுத்துகிறது.

அடுத்து, தமிழ் மொழிக்காக, தமிழ் மக்களுக்காக நீண்டகாலம் பாடாற்றி நம் நினைவில் என்றென்றும் நிலைகொண்டிருக்கிற-அண்மையில் மறைந்த தோழர்களான ஊடகவியலாளர் ஞாநி, எழுத்தாளர் பிரபஞ்சன், தமிழறிஞர்கள் அ.அ.மணவாளன், க.ப.அறவாணன் மற்றும் தொல்லியல் அறிஞர் ஐராவதம் மகாதேவன் ஆகியோருக்கும் இம்மாநாடு தமது வீரவணக்கத்தைச் செலுத்துகிறது.

அத்துடன், அண்மையில் டெல்டா மாவட்டங்களைத் தாக்கிய கஜா புயல் என்னும் இயற்கைப் பேரிடரில்  உயிரிழந்த பொதுமக்களுக்கும், சாதி ஆணவப் படுகொலைகளில் பலியானவர்களுக்கும் இம்மாநாடு வீமது வீரவணக்கத்தைச் செலுத்துகிறது.”

2. அரசியலமைப்புச் சட்டம் மற்றும் தேசத்தைப் பாதுகாப்போம்

ஆங்கிலேய ஆதிக்கத்திலிருந்து இந்தியா விடுதலையடைந்த போது இதனை ‘இந்து நாடு’ என அறிவிக்க வேண்டுமென்றும், ஆர்.எஸ்.எஸ் அமைப்பின் காவிக் கொடியை , தேசியக் கொடியாக ஏற்க வேண்டும் என்றும் என சனாதன பழமைவாதிகள் முயற்சித்தனர். ஆனால் அவர்களது பெரும்பான்மை வகுப்புவாத சனாதன அரசியல் நோக்கத்தை முறியடித்து, இந்தியாவை ஒரு ஜனநாயகக் குடியரசாக கட்டமைத்து வருவது புரட்சியாளர் அம்பேத்கர் உருவாக்கிய அரசியலமைப்புச் சட்டமேயாகும். சனநாயகம், சமத்துவம் போன்ற முற்போக்கு சிந்தனைகளை ஏற்றுக்கொள்ளாத தீனதயாள் உபாத்யாயா போன்ற ஆர்.எஸ்.எஸ் சனாதனிகள், ‘அரசியலமைப்புச் சட்டத்தைக் கிழித்தெறிய வேண்டும்’ என அப்போதே கூச்சலிட்டனர்.  அவரைத் தனது குருவாக ஏற்றுக் கொண்டுள்ள பிரதமர் நரேந்திர மோடி அவர்களின் தலைமையிலான பாஜக அரசு, பதவியேற்ற நாளிலிருந்தே அரசியலமைப்புச் சட்டத்தைக் கொஞ்சம் கொஞ்சமாக செயலிழக்கச் செய்துவருகிறது.

மாநிலங்களவையில் பெரும்பான்மை இல்லாத நிலையில், பணமதிப்பு நீக்க மசோதா, ஆதார் மசோதா முதலான அரசியலமைப்புச் சட்டத் திருத்த மசோதாக்களை, பண மசோதா என்ற பெயரில் குறுக்கு வழியில் நிறைவேற்றியும்: அரசியலமைப்புச் சட்ட அமைப்புகளான ரிசர்வ் வங்கி, தேர்தல் ஆணையம், உச்சநீதிமன்றம், சிபிஐ முதலானவற்றின் சுதந்திரத்தைப் பறிக்கும் வகையில் அவற்றில் தலையிட்டும் அரசியலமைப்புச் சட்டம் மற்றும் இந்திய சனநாயகத்துக்கு மிகப்பெரும் பாதிப்பை ஏற்படுத்தி வருகிறது.

ஜனநாயக குடியரசைக் கட்டமைக்கும் அரசியலமைப்புச் சட்டத்தை அடியோடு மாற்றுவதற்காக திரு.வாஜ்பாயி அவர்களின் ஆட்சிக் காலத்தில், நீதியரசர் வெங்கடாசலையா ஆணையத்தை அமைத்தது பாஜக அரசு. அதேபோல, தற்போது ஆர்.எஸ்.எஸ் தலைவர்களில் ஒருவரான கோவிந்தாச்சார்யா தலைமையில் குழு ஒன்றை அமைத்து, இந்துத்துவ –சனாதன அரசியலமைப்புச் சட்டம் ஒன்றைத் தயாரித்து வருவதாக செய்திகள் வெளியாகியுள்ளன.

அத்துடன், அரசியலமைப்புச் சட்டத்தின் அடிப்படையைத் தகர்ப்பதற்கான முன்னோட்டமாகவே முத்தலாக் மசோதாவையும், பொருளாதார அடிப்படையில் இட ஒதுக்கீடு வழங்கும் மசோதாவையும் பாஜக அரசு சட்டமாக்கியிருப்பது ஆர்.எஸ்.எஸ்-சின் சூழ்ச்சியாகும்.

சனாதனம் என்னும் மனுதர்மத்தையே மீண்டும் இம்மண்ணை ஆளும் அதிகாரப்பூர்வமான அரசமைப்புச் சட்டமாக நடைமுறைப்படுத்த வேண்டுமென்பதும் இந்தியாவை இந்து ராஷ்டிரமாக அறிவிக்க வேண்டுமென்பதுமே ஆர்எஸ்.எஸ் உள்ளிட்ட சங்பரிவார் அமைப்புகள் மற்றும் அவற்றின் அரசியல் முகமான பாஜக ஆகியவற்றின் முதன்மையான நோக்கமாகும். அதனடிப்படையில் தான் ஒரே தேசம் ஒரே கலாச்சாரம் என்னும் செயல் திட்டங்களின் மூலம் இன்றைய அரசமைப்புச் சட்டத்தை சிதைப்பதற்கான சதி முயற்சிகளில் ஈடுபட்டு வருகின்றனர். இதனால், அரசியலமைப்புச் சட்டத்திற்கும் அது கட்டமைத்து வரும் ஜனநாயகத்திற்கும் அதனடிப்படையில் ஜனநாயக குடியரசாக மலர்ந்துவரும் புதிய இந்திய தேசத்துக்கும்  பேராபத்து சூழ்ந்துள்ளது.

இந்நிலையில், சனாதன தேசம் என்கிற நிலையிலிருந்து மாறி, படிப்படியாக இந்தியா ஒரு சனநாயக தேசமாக பரிணாமம் பெறுவது  தொடரவேண்டுமெனில், தற்போதுள்ள அரசியலமைப்புச் சட்டத்தைப் பாதுகாப்பது இன்றைய தவிர்க்க முடியாத தேவை என்பதை  இம்மாநாடு சுட்டிக்காட்டுவதோடு,  அனைத்து மதச்சார்பற்ற –ஜனநாயக சக்திகளும் அரசியல் களத்தில் ஒருங்கிணைந்து, சனாதன சக்திகளின் அனைத்து சதிமுயற்சிகளையும்  முறியடிப்போம் என இம்மாநாடு உறுதியேற்கிறது. 

3. சமூகநீதியைப் பாதுகாப்போம்

முற்பட்ட சமூகப் பிரிவினரில்  பொருளாதாரரீதியாகப்  பின்தங்கியவர்களுக்கு 10% இடஒதுக்கீட்டை  அளிக்கும்  வகையில் மத்தியில் ஆளும் பாஜக அரசு அரசியலமைப்புச் சட்டத்தை திருத்தியுள்ளது. இது உண்மையில் அவர்களுக்கு இடஒதுக்கீடு வழங்கும் நோக்கத்தை  கொண்டதல்ல, மாறாக ஏற்கனவே நடைமுறையில்  இருக்கும் சமூகநீதி கோட்பாட்டின் அடிப்படையிலான  இடஒதுக்கீட்டு முறையை  ஒழித்துக்கட்டுவதற்கான சதித்திட்டமே ஆகும்.

இடஒதுக்கீடு என்பது வெறுமென பொருளாதார அடிப்படையில் ஏழைகள் என்பதற்காக வழங்கப்படுவதல்ல, பலநூறு ஆண்டுகளாக நிலவி வரும் சமூக இழிவுகள் மற்றும் வன்கொடுமைகளால் பாதிக்கப்பட்டவர்கள், சுதந்திரம், சமத்துவம், சகோதரத்துவம் ஆகியவற்றைப் பெறுவதற்கான ஜனநாயக   நோக்கில் வழங்கப்படுவதாகும். இதை உச்சநீதிமன்றம் இந்திரா சகானி வழக்கின் தீர்ப்பு உட்பட பல்வேறு தீர்ப்புகளில் சுட்டிக்காட்டியிருக்கிறது. எனினும், உச்சநீதிமன்றத்தின்  தீர்ப்புகளுக்கு எதிராக இந்தபொருளாதார அடிப்படையிலான இந்த  இடஒதுக்கீடு சட்டத்தை பாஜக அரசு கொண்டுவந்துள்ளது.

அரசியலமைப்புச் சட்டத்தின் அடிப்படை அம்சங்களுக்கு மாறாக புதிய சட்டமோ, சட்டத் திருத்தமோ செய்யப்படக்கூடாது என உச்சநீதிமன்றம் உறுதியான தீர்ப்புகளை  வழங்கியுள்ள நிலையில், அரசியலமைப்புச் சட்டத்தின் அடிப்படை கூறுகளில் ஒன்றான சமத்துவத்துக்கு எதிராக இந்த சட்டம் அமைந்துள்ளது. பொதுநீதிக்கும், சமூகநீதிக்கும் எதிரான இந்த சட்டத்தை எதிர்த்து உச்சநீதிமன்றத்தில் விடுதலைச் சிறுத்தைகள் கட்சியின் சார்பில் வழக்கு தொடுக்கப்பட்டுள்ளது.

பாஜக ஆட்சிக்கு வந்ததிலிருந்தே எஸ்சி/எஸ்டி மற்றும்  ஓபிசி மக்களுக்கான இடஒதுக்கீட்டைக் கொஞ்சம்கொஞ்சமாக  சிதைத்து வருகிறது. இடஒதுக்கீட்டை ரத்து செய்கிறோம் என வெளிப்படையாகக் கூறாமலேயே அதை முடக்கிக் கொண்டிருக்கிறது. இட ஒதுக்கீட்டுக்குப் பொருளாதார அளவுகோலை திணிப்பதன்மூலம் சமூகநீதி என்னும் இடஒதுக்கீட்டின் அடிப்படையையே தகர்க்க முற்பட்டிருக்கிறது.

கல்வியையும், அரசு நிர்வாகத்தையும் முன்னேறிய சாதிமயமாக்கிச் சனாதனத்தை மென்மேலும் வலுப்படுத்துவதற்காகவே பாஜக அரசு நிறைவேற்றியுள்ள பொருளாதார அடிப்படையிலான  10 சதவீத இடஒதுக்கீடு சட்டத்தை ரத்து செய்வதற்கு நீதிமன்றத்திலும், மக்கள் மன்றத்திலும் தொடர் போராட்டங்களை முன்னெடுக்க அனைத்து ஜனநாயக சக்திகளுக்கும் இம்மாநாடு அறைகூவல் விடுக்கிறது.

4. வகுப்புவாத வன்முறைத் தடுப்பு சட்டத்தை இயற்ற வேண்டும் 

மதத்தின் பெயரால் பெரும்பான்மைவாதத்தின் பெயரால் திட்டமிட்டு தூண்டப்படும் வகுப்புவாத வன்முறைகளைத் தடுப்பதற்காகவும்; வெறுப்புப் பிரச்சாரத்தில் ஈடுபடுவோர் மீது நடவடிக்கை எடுப்பதற்காகவும் ; வகுப்புவாத வன்முறை நிகழப்போவது தெரிந்திருந்தும் அதைத் தடுக்காமல் தனது கடமையைச் செய்யத் தவறும் அரசு அதிகாரிகள்மீது சட்டரீதியான நடவடிக்கைகள் எடுப்பதற்காகவும் காங்கிரஸ் தலைமையிலான ஐக்கிய முற்போக்குக் கூட்டணி ஆட்சிக்காலத்தில்,   “குறிவைத்து ஏவப்படும் வன்முறைகள் மற்றும் வகுப்புவாத வன்முறைகள் தடுப்பு மசோதா” (PREVENTION OF COMMUNAL AND TARGETED VIOLENCE (ACCESS TO JUSTICE AND REPARATIONS) BILL, 2011) உருவாக்கப்பட்டது. குஜராத்தில் 2002 ஆம் ஆண்டு நடந்ததுபோல மாநில அரசே வகுப்புக் கலவரத்தைத் தூண்டும் நிலை மீண்டும் ஏற்படாமல் தடுப்பதை முதன்மையான நோக்கமாகக் கொண்ட அந்த மசோதாவை பாராளுமன்றத்தில் அன்றைய காங்கிரஸ் தலைமையிலான அரசு நிறைவேற்ற முயற்சித்தபோது அதை பாஜகவும் அதன் ஆதரவு கட்சிகளும் எதிர்த்தன. அதிமுகவும் அந்த மசோதாவுக்கு எதிர்ப்பு தெரிவித்தது. அதனால் அந்த மசோதா சட்ட வடிவம் பெற முடியவில்லை.

வெறுப்புப் பிரச்சாரத்தையோ, வெறுப்புக் குற்றங்களையோ தடுப்பதற்கென்று சிறப்புச் சட்டம் எதுவும் இந்தியாவில் இல்லை. அதனால்தான் அவற்றைக் கட்டுப்படுத்துவதில் காவல்துறைக்கும் சிக்கல் ஏற்படுகிறது.

எனவே, ” குறிவைத்து ஏவப்படும் வன்முறைகள் மற்றும் வகுப்புவாத வன்முறைகள் தடுப்பு சட்டத்தை உடனடியாக இயற்றுமாறு மத்திய அரசை இம்மாநாடு வலியுறுத்துகிறது.

5. ஆணவக் கொலைகள் தடுப்பச் சட்டம் இயற்ற வேண்டும்

ஆணவக் கொலைகளைத் தடுப்பது தொடர்பாக முக்கியத்துவம் வாய்ந்த தீர்ப்பு ஒன்றை உச்சநீதிமன்றம் 27.03.2018 அன்று வழங்கியது. உச்சநீதிமன்றத் தலைமை நீதிபதியாக இருந்த தீபக் மிஸ்ரா, நீதிபதி ஏ.எம்.கன்வில்கர், நீதிபதி டி.ஒய்.சந்த்ரசூட் ஆகியோர் அடங்கிய அமர்வு வழங்கிய அந்தத் தீர்ப்பு, ஆணவக் கொலைகளைத் தடுப்பதற்கு மத்திய அரசு சிறப்பு சட்டம் ஒன்றை இயற்றவேண்டும் என ஆணையிட்டிருப்பதோடு,  அவ்வாறு சட்டம் இயற்றும்வரை மத்திய மாநில அரசுகள் பின்பற்றவேண்டிய  வழிகாட்டு நெறிமுறைகளையும் பட்டியலிட்டிருந்தது.

அந்த நெறிமுறைகள் இனிமேல் பதியப்படும் வழக்குகளுக்கு மட்டுமின்றி ஏற்கனவே கிடப்பில் இருக்கும் வழக்குகளுக்கும் பொருந்தும் என உச்சநீதிமன்றம் தெளிவுபடுத்தியிருந்தது. அந்தத் தீர்ப்பு வழங்கப்பட்ட தேதியிலிருந்து ஆறு வாரங்களுக்குள் அனைத்து மாநில அரசுகளும் அதை நடைமுறைப்படுத்த வேண்டும் எனவும் கண்டிப்போடு உச்சநீதிமன்றம் கூறியிருந்தது.

உச்சநீதிமன்றம் விதித்த காலக்கெடு எப்போதோ முடிந்துவிட்டது. ஆனால், இதுவரை தமிழக அரசு அதை நடைமுறைப்படுத்தவில்லை.  தமிழ்நாட்டில் அடிக்கடி ஆணவக் கொலைகள் பெருகிக்கொண்டே இருக்கின்றன.

உச்சநீதிமன்றத்தின் ஆணைக்கிணங்க மத்திய அரசு ஆணவக் கொலை குற்றங்களைக் கட்டுப்படுத்த சிறப்பு சட்டம் ஒன்றை உடனே இயற்ற வேண்டுமெனவும், உச்சநீதிமன்றம் வழங்கியுள்ள வழிகாட்டுதல்களை இனியும் காலந்தாழ்த்தாமல் தமிழக அரசு நடைமுறைப்படுத்த வேண்டுமெனவும் இம்மாநாடு வலியுறுத்துகிறது.

6. சபரிமலை தீர்ப்பை ஆதரிப்போம்

பாலின சமத்துவத்தை உறுதி செய்யும் வகையில் அனைத்து வயதுப் பெண்களும் சபரிமலையில் வழிபடலாம் என்ற வரலாற்றுச் சிறப்பு வாய்ந்த தீர்ப்பை அண்மையில் உச்சநீதிமன்றம் வழங்கியது. பாலின அடிப்படையில் பாகுபாடு காட்டுவதும் தீண்டாமையே என அந்தத் தீர்ப்பில் தெளிவுபடுத்தியது. அந்தத் தீர்ப்பை செயல்படுத்தவிடாமல் சனாதனவாதிகள் தடுத்து வருகின்றனர்.  அந்த சனாதனப் போக்கை நியாயப்படுத்தும் விதமாக " அது பாரம்பரியம் தொடர்பான பிரச்சனை " என்று பிரதமர் நரேந்திர மோடியும் கருத்து தெரிவித்திருக்கிறார். முறையாக விரதமிருந்து அங்கு வழிபடச் சென்ற பெண்களைச் சனாதன கும்பல் அடித்து விரட்டி வன்முறையில் ஈடுபட்டு வருகிறது. உச்சநீதிமன்றத் தீர்ப்பை  நடைமுறைபடுத்தவிடாமல் மத்தியில் ஆளுங்கட்சியே வன்முறையில் ஈடுபடும் அவலமான சூழலை இந்த நாடு பார்த்துவருகிறது.

உச்சநீதிமன்றம் உறுதிசெய்த தமது உரிமையை நிலைநாட்ட பெண்கள் தொடர்ச்சியாகப் போராடி வருகின்றனர். அந்தப் போராட்டத்தின் விளைவாக இரண்டு பெண்கள் அங்கு சென்று தமது வழிபாட்டு உரிமையை நிலைநாட்டியுள்ளனர்.  சனாதன வெறியர்களின் அச்சுறுத்தல்களைப் புறந்தள்ளி சமத்துவ உரிமையை நிலைநாட்டிய பிந்து, கனகதுர்கா ஆகிய  பெண்மணிகளை இம்மாநாடு வாழ்த்தி பாராட்டுகிறது.  அவர்கள் மட்டுமின்றி ஏற்கனவே  உச்சநீதிமன்றத் தீர்ப்பின் படி 51 பெண்கள் சபரிமலையில் வழிபாடு செய்திருப்பதாக கேரள அரசு தெரிவித்திருக்கிறது. அவர்கள் வழிபடுவதற்கு உரிய பாதுகாப்பை வழங்கி உச்சநீதிமன்றத்தின் தீர்ப்பை செயல்படுத்திய மாண்புமிகு முதல்வர் பினராயி விஜயன் அவர்களின் தலைமையிலான மார்க்சிஸ்ட் கம்யூனிஸ்ட் கட்சி அரசையும் இம்மாநாடு பாராட்டுகிறது.

அத்துடன் பாலின சமத்துவத்தை நிலை நாட்டும் வகையில் உச்சநீதிமன்றம் அளித்துள்ள இத்தீர்ப்பை வரவேற்று ஆதரிக்க வேண்டுமென அனைத்து ஜனநாயக சக்திகளுக்கும் விடுதலைச் சிறுத்தைகளின் இம்மாநாடு வேண்டுகோள்விடுக்கிறது.

7. சனாதன் சன்ஸ்தாவைத் தடை செய்ய வேண்டும்
மகராஷ்டிர மாநிலத்தைச் சேர்ந்த இடதுசாரி தலைவர் கோவிந்த் பன்சாரே,  பகுத்தறிவாளர் நரேந்திர  தபோல்கர், கர்நாடக மாநிலத்தைச் சேர்ந்த பேராசிரியர் எம்.எம்.கல்புர்கி, பத்திரிகையாளர் கௌரி லங்கேஷ் ஆகிய நால்வரது கொலைகளுக்கும் சனாதன் சன்ஸ்தா என்ற பயங்கரவாத அமைப்புதான் காரணம் எனத் தெரிய வந்துள்ளது. பல்வேறு மாநிலங்களைச் சேர்ந்தவர்கள் இந்தப் பயங்கரவாத அமைப்பில் இடம்பெற்றுள்ளனரென்றும் அவர்களுக்கு ஆயுதப் பயிற்சி அளிக்கப்பட்டுவருகிறது என்றும் காவல்துறை விசாரணையில் தெரியவந்துள்ளது.

இந்தப் படுகொலைகளைச் செய்த முதன்மைக் குற்றவாளியாக மகராஷ்டிர மாநிலம் பூனாவைச் சேர்ந்த சனாதன பயங்கரவாதி அமோல் காலே என்பவரைக் கர்நாடக மாநில சிறப்புப் புலனாய்வுக் குழு கைது செய்துள்ளது. அவரிடமிருந்து கைப்பற்றப்பட்ட ‘டைரி’யில் மேலும் கொலை செய்யப்படவேண்டியவர்கள் எனக் குறித்து வைக்கப்பட்டிருந்த 34 பேரின் பட்டியல் கண்டறியப்பட்டுள்ளது. அந்தப் பட்டியலில் விடுதலைச் சிறுத்தைகள் கட்சியின் பொதுச்செயலாளர் ரவிக்குமாரின் பெயர் இடம்பெற்றுள்ளதாக கர்நாடக மாநில சிறப்புப் புலனாய்வுக் குழு தாக்கல் செய்திருக்கும் குற்றப்பத்திரிகையில் குறிப்பிட்டுள்ளனர்.

சனாதன் சன்ஸ்தா கோவாவைத் தலைமையிடமாகக் கொண்டு செயல்பட்டு வரும் பயங்கரவாத அமைப்பாகும். கர்நாடகா, மகராஷ்டிரா, ஆகிய மாநிலங்களிலும் அது குண்டு வெடிப்பு உள்ளிட்ட பல்வேறு வன்முறைச் சம்பவங்களில் ஈடுபட்டிருந்தது அம்பலமாகியிருக்கிறது. அந்தப் பயங்கரவாத அமைப்பு தமிழ்நாட்டிலும் வெளிப்படையாக செயல்பட்டு வருகிறது.

கர்நாடக, மகராஷ்டிர மாநிலங்களின் புலனாய்வு அமைப்புகளால் பயங்கரவாத அமைப்பாக அடையாளப்படுத்தப்பட்டுள்ள சனாதன் சன்ஸ்தாவைத் தடை செய்வதற்கு மத்திய, மாநில அரசுகள் உரிய  நடவடிக்கை எடுக்கவேண்டுமென இம்மாநாடு வலியுறுத்துகிறது.

8. மனித உரிமை செயற்பாடாளர்கள் மீதான ஒடுக்குமுறைகளை  கைவிட வேண்டும்!

1818 ஆம் ஆண்டு ‘பீமா கோரேகான்’ என்னுமிடத்தில் மஹர் சாதியினர் இடம்பெற்ற பிரிட்டிஷ் படையானது , பேஷ்வாக்களின் படையை வெற்றிகொண்ட யுத்தத்தின் 200 ஆவது ஆண்டை நினைவுகூர்ந்திட புனேவுக்கு அருகிலுள்ள ஷனிவார் வாடா என்னுமிடத்தில் 2017 டிசம்பர் 31 ஆம் தேதி  ’எல்கார் பரிஷத்’ என்ற பெயரில் விழா ஒன்று நடைபெற்றது. அதில் பல்வேறு மனித உரிமை அமைப்புகளும் சமூக இயக்கங்களும் பங்கெடுத்தன.

2018 ஜனவரி 1 ஆம் நாள் பீமா கோரேகான் கிராமத்தில் ஒவ்வொரு ஆண்டும் கூடுவதைப்போல லட்சக்கணக்கில் தலித் மக்கள் கூடினார்கள். அவ்வாறு கூடிய தலித்துகள் மீது சனாதனக் கும்பல் தாக்குதல் நடத்தியதில் ஒருவர் கொல்லப்பட்டார். பலர் காயமடைந்தனர். அதைத் தொடர்ந்து தலித்துகள் மாநிலம் தழுவிய வேலைநிறுத்தப் போராட்டத்தை  அறிவித்தனர். அதனால் ஆத்திரமுற்ற பாஜக அரசு ’எல்கார் பரிஷத்’ விழாவை நடத்தியவர்கள் ’நகர்ப்புற நக்ஸலைட்டுகள்’ என முத்திரை குத்தி அந்த விழாவுக்குக் கொஞ்சமும் தொடர்பே இல்லாத மனித உரிமை செயற்பாட்டாளர்களை, ’சட்டவிரோத நடவடிக்கைகள் தடுப்புச் சட்டத்தின்’ கீழ் கைதுசெய்து சிறைப்படுத்தி வருகிறது. இப்போது அந்த வழக்கில் உலகறிந்த தலித் சிந்தனையாளரும் கல்வியாளருமான ஆனந்த் டெல்டும்டேவைக் கைதுசெய்ய முயற்சித்து வருகிறது.  பாஜக அரசின் இந்த தலித் விரோதப் போக்கை இம்மாநாடு வன்மையாகக் கண்டிக்கிறது. அவர்மீதான பொய் வழக்கை ரத்துசெய்யுமாறு மகராஷ்டிர அரசை இம்மாநாடு வலியுறுத்துகிறது.

2016 ஆம் ஆண்டு டெல்லி ஜவஹர்லால் நேரு பல்கலைக்கழகத்தில் நடத்தப்பட்ட நிகழ்ச்சி ஒன்றில் தேசவிரோத முழக்கங்கள் எழுப்பப்பட்டதாக குற்றம் சுமத்தி, மாணவர் தலைவர் கன்னையா குமார் உள்ளிட்ட பத்து மாணவர்கள் மீது தேசத் துரோக வழக்கை டெல்லி போலீஸ் பதிவு செய்துள்ளது. மூன்று ஆண்டுகள் கழித்து இப்போது அதில் குற்றப்பத்திரிகை தாக்கல் செய்யப்பட்டுள்ளது. ஆனால், பாஜகவின் மாணவர் அமைப்பான ‘ஏ.பி.வி.பி’யைச் சேர்ந்தவர்கள்தான் அந்த கூட்டத்தில் புகுந்து வேண்டுமென்றே முழக்கமிட்டதாக 2016ல் ‘ஏ.பி.வி.பி’யின் பொறுப்பாளர்கள் பத்திரிகையாளர் சந்திப்பில் அறிவித்துள்ளனர். தேர்தல் நெருங்கும் நேரத்தில் பாஜகவின் தூண்டுதலால்தான் குற்றப்பத்திரிகை தாக்கல் செய்யப்பட்டிருப்பதாகக் குற்றச்சாட்டு எழுந்துள்ளது. கன்னையா குமார் உள்ளிட்ட மாணவர்கள்மீது பதியப்பட்டுள்ள தேசத் துரோக வழக்கை ரத்து செய்யவேண்டுமென டெல்லி காவல்துறையை இம்மாநாடு வலியுறுத்துகிறது. பொதுத் தேர்தலுக்குப் பிறகு பொறுப்பேற்கும் மதச்சார்பற்ற அரசு தேசத் துரோக சட்டப் பிரிவான 124ஏ வை ரத்துசெய்யவேண்டுமென இம்மாநாடு கேட்டுக்கொள்கிறது.

9. காவிரி உரிமையைக் காப்போம்
காவிரி நடுவர் மன்றமும், உச்சநீதிமன்றமும் காவிரியின் குறுக்கே புதிய அணைகள் ஏதும் கட்டப்படக்கூடாது என்றும் அவ்வாறு கட்டுவதாக இருந்தால் தமிழ்நாட்டின் ஒப்புதலை கர்நாடக அரசு பெறவேண்டும்  என்றும் தெளிவாகக் கூறியுள்ளன.

உச்சநீதிமன்றத்தின் இறுதித் தீர்ப்பின்  அடிப்படையில் உருவாக்கப்பட்டுள்ள காவிரி மேலாண்மை ஆணையத்தில் விவாதித்து கருத்தொற்றுமை ஏற்பட்டாலன்றி எந்த ஒரு மாநிலமும்  காவிரியின் குறுக்கே அணையைக் கட்ட முடியாது. இத்தகைய நிலையில்  மேகதாதுவில் 66 டிஎம்சி தண்ணீரைத் தேக்குவதற்கு சுமார் 6000கோடி ரூபாய்  மதிப்பீட்டில் அணை ஒன்றைக் கட்டுவதற்கு கர்நாடக அரசு முடிவெடுத்துள்ளது. சட்டவிரோதமான இம்முடிவுக்கு மத்திய அரசின் கட்டுப்பாட்டில் உள்ள மத்திய நீர் ஆணையமும் ஒப்புதலை வழங்கியிருக்கிறது. அத்துடன் மத்திய அரசும் அதற்கு ரூபாய் 2000கோடி ஒதுக்கீடு செய்ய முன்வந்துள்ளது.  இது அப்பட்டமான தமிழக  விரோத நடவடிக்கை ஆகும்.

உச்சநீதிமன்றத்தின் தீர்ப்பையும் காவிரி மேலாண்மை ஆணையத்தையும் கர்நாடக அரசு மதிக்காததில் வியப்பேதும் இல்லை. ஆனால், இதுவரை காவிரிப் பிரச்சனையில் நடுநிலை வகிப்பதாகச் சொல்லிக்கொண்டிருந்த மத்திய அரசு உச்சநீதிமன்றத் தீர்ப்பின் அடிப்படையில் உருவாக்கப்பட்ட காவிரி மேலாண்மை ஆணையத்தைக் கொஞ்சமும் மதிக்காமல் வெளிப்படையாகவே கர்நாடகாவுக்கு ஆதரவளிப்பது அதிர்ச்சி தருகிறது.தமிழக நலன்களுக்கு எதிராக மேகதாதுவில் அணை கட்டும் முயற்சியைக் கைவிடவேண்டுமென கர்நாடக அரசை இம்மாநாடு கேட்டுக்கொள்கிறது.

விரிவான திட்டமதிப்பீடு தயாரிப்பதற்கான அனுமதியை எதிர்த்து தமிழக அரசு தொடுத்த வழக்கு உச்சநீதிமன்றத்தில் நிலுவையில் இருக்கும் நிலையில் கர்நாடக அரசு தமது அறிக்கையை மத்திய அரசிடம் தாக்கல் செய்திருப்பதாக செய்தி வெளியாகியுள்ளது. அந்த அறிக்கையை நிராகரிக்க வேண்டுமென மத்திய அரசை இம்மாநாடு வலியுறுத்துகிறது.

10. அணை பாதுகாப்பு மசோதாவைக் கைவிட வேண்டும்
மத்தியில் ஆளும் பாஜக அரசு அணைகள் பாதுகாப்பு மசோதா ஒன்றை உருவாக்கியுள்ளது. அதற்கு அமைச்சரவையில் ஒப்புதலும் பெறப்பட்டுள்ளது. இந்த மசோதா சட்டமானால் இந்தியாவில் உள்ள அணைகள் யாவும் மத்திய அரசின் கட்டுப்பாட்டுக்குள் சென்று விடும். இது மாநில உரிமைகளைப் பறிப்பதாகும்.

இந்தியாவில் ஐயாயிரத்திற்கும் மேற்பட்ட பெரிய அணைகள் உள்ளன, பல்லாயிரக்கணக்கில் சிறிய மற்றும் நடுத்தர அணைகள் உள்ளன. இந்த அணைகள் யாவும் மாநில அரசுகளால் கட்டப்பட்டு பராமரிக்கப்படுபவையாகும். அணைகளை மத்திய அரசு பாதுகாக்கும் என்று ஆக்குவதன் மூலம் மாநில பட்டியலில் உள்ள அதிகாரத்தை மத்திய அரசின் பட்டியலுக்கு கொண்டு செல்ல மோடி அரசு முயற்சிக்கிறது.

மாநிலப் பட்டியலில் உள்ள எந்த ஒரு அதிகாரத்தையும் பொதுப் பட்டியலுக்கு நேரடியாகவோ மறைமுகமாவோ மாற்றக்கூடாது எனவும், அணை பாதுகாப்பு மசோதாவை உடனடியாகக் கைவிடவேண்டும் எனவும்  இம்மாநாடு மத்திய அரசை வலியுறுத்துகிறது.

11. கல்வியை மீண்டும் மாநிலப் பட்டியலில் சேர்த்திட வேண்டும்
மாநிலப் பட்டியலில் இருந்த கல்வி பொதுப் பட்டியலுக்கு மாற்றப்பட்டதால்தான் மத்தியில் ஆளும் பாஜக அரசு சமஸ்கிருதத்தையும், இந்தியையும் திணிக்கும் வகையில் புதிய கல்விக் கொள்கையை உருவாக்குவதற்கு வாய்ப்பு ஏற்பட்டிருக்கிறது. பாஜக ஆட்சியில் கல்வி சனாதனமயமாக்கப்படுகிறது, கல்வி நிறுவனங்கள் திட்டமிட்ட முறையில் சனாதன மையங்களாக மாற்றப்படுகின்றன.

கல்வி பொதுப் பட்டியலில் இருப்பதால்தான் நீட் நுழைவுத் தேர்வு நம் மீது திணிக்கப்பட்டுள்ளது. கல்வியை மீண்டும் மாநிலப் பட்டியலுக்குக் கொண்டுவருவதுதான் இதற்கு நிரந்தரமான தீர்வாக இருக்கும்.

முன்னேறிய வகுப்பினருக்கே கல்வி என்னும் சனாதன தர்மத்தை நிலைநாட்டுகிற  நீட் நுழைவுத் தேர்வை ரத்து செய்யவேண்டும் எனவும், கல்வியை மீண்டும் மாநிலப் பட்டியலுக்குக் கொண்டுவரவேண்டும் எனவும் மத்திய அரசை இம்மாநாடு வலியுறுத்துகிறது.

12. அந்தரங்கம் என்னும் அடிப்படை உரிமையைப் பறிக்கும் ஆணையைத் திரும்பப் பெற வேண்டும் 

இந்திய குடிமக்கள் எவருடைய தனிப்பட்ட கைபேசி, கணிணி உள்ளிட்ட மின்னணு சாதனங்களை வேவு பார்க்கவும், ஆராயவும்; குடிமக்களின் தனிப்பட்ட மின்னஞ்சல்கள், குறுஞ்செய்திகள் முதலானவற்றை கண்காணிக்கவும் பத்து விசாரணை அமைப்புகளுக்கு அனுமதி அளித்து மத்திய உள்துறை அமைச்சகம் தற்போது ஆணை  பிறப்பித்துள்ளது. இது குடிமக்களின் அடிப்படை உரிமைகளைப் பறிக்கும் அப்பட்டமான சர்வாதிகார நடவடிக்கை ஆகும்.

மத்திய அரசின் தகவல் தொழில் நுட்பச் சட்டம் 2009-இன் விதிகளில் நாட்டின் பாதுகாப்புக்காக முன் அனுமதி பெற்று குடிமக்களின் தனிப்பட்ட மின்னஞ்சல் பரிமாற்றங்களை ஆராய வழியுள்ளது எனினும் ’அந்தரங்கமும் அடிப்படை உரிமையே’ என கடந்த 2017 ஆம் ஆண்டு உச்சநீதிமன்றம் தீர்ப்பளித்ததற்குப் பின்னர்  ஆதார் தொடர்பான வழக்கில் அதை மறு உறுதி செய்ததற்குப் பிறகும்  அந்த விதிகளை மத்திய அரசு தனது விருப்பம்போலப் பயன்படுத்தமுடியாது என்ற தடை ஏற்பட்டுள்ளது.

மத்திய அரசின் உள்துறை அமைச்சகம் பிறப்பித்திருக்கும் இந்த ஆணை பிரதமர் மோடி இந்த நாட்டை சர்வாதிகார முறையில் ஆள விரும்புகிறார் என்பதை உணர்த்துகிறது. பொதுத் தேர்தல் நெருங்கிவரும் சூழலில் பிறப்பிக்கப்பட்டிருக்கும் இந்த ஆணை பல்வேறு ஐயங்களை எழுப்புகிறது.  எதிர்க்கட்சித் தலைவர்களுக்கு எதிராகப் பொய் வழக்குகளைப் புனைந்து அரசியல் ஆதாயம் தேடவே  இந்த உத்தரவு வழிவகுக்கும்.

உச்சநீதிமன்றத் தீர்ப்புகளுக்கும், அரசியலமைப்புச் சட்டத்துக்கும் எதிரான இந்த ஆணையை  மத்திய அரசு உடனடியாகத் திரும்பப் பெறவேண்டுமென இம்மாநாடு வலியுறுத்துகிறது.

13.  மகளிர் இடஒதுக்கீடு சட்டம் இயற்றவேண்டும்

இந்தியாவின் மக்கள் தொகையில் பெண்கள் சுமார் 50 விழுக்காட்டுக்கும் மேலாக உள்ளனர் என்றாலும் இதுவரை  நாடாளுமன்றத்தின் இரு அவைகளிலும் சட்டமன்றங்களிலும் அவர்களது பிரதிநிதித்துவம் 10 விழுக்காடுகூட இல்லை. அந்த அவைகளில் மகளிருக்கு 33 விழுக்காடு இட ஒதுக்கீடு வழங்க வகை செய்யும் 108 ஆவது அரசியலமைப்புச் சட்ட திருத்த மசோதா 2008 ஆம் ஆண்டு காங்கிரஸ் தலைமையிலான ஐக்கிய முன்னணி அரசால் உருவாக்கப்பட்டது. மாநிலங்களவையில் நிறைவேற்றப்பட்ட அந்த மசோதா மக்களவையில் 10 ஆண்டுகளாகக் கிடப்பில் போடப்பட்டுள்ளது.

மக்களவையில் தற்போதுள்ள 543 உறுப்பினர்களில் 62 பேர்தான் பெண்கள். 2016 ஆம் ஆண்டு நடைபெற்ற தமிழ்நாடு சட்டப்பேரவைத் தேர்தலில் 21 பெண்கள் தேர்ந்தெடுக்கப்பட்டனர். அது மொத்தமுள்ள 232 இடங்களில் வெறும் 9 விழுக்காடு மட்டுமே ஆகும்.

இந்திய வாக்காளர்களில் 49 விழுக்காட்டினராகப் பெண்கள் உள்ளனர். தமிழ்நாட்டில் ஆண் வாக்காளர்களைவிட பெண் வாக்காளர்கள் ஆறு லட்சம் பேர் கூடுதலாக உள்ளனர். அப்படியிருந்தும் அவர்களுக்கான பிரதிநிதித்துவம் தொடர்ந்து மறுக்கப்பட்டு வருவது வேதனையளிக்கிறது.

பாலின சமத்துவத்தை மறுப்பது சனாதனம், அந்த சமத்துவத்துக்காகக் குரலெழுப்புவது சனநாயகம். இனியும் காலம் தாழ்த்தாமல் மகளிர் இட ஒதுக்கீடு மசோதாவை சட்டமாக்கவேண்டும் என இம்மாநாடு மத்திய அரசை கேட்டுக்கொள்கிறது. அதை வலியுறுத்தி தமிழக சட்டப் பேரவையில் தீர்மானம் இயற்றவேண்டும் என இம்மாநாடு தமிழக அரசை வலியுறுத்துகிறது.

14. விகிதாச்சார பிரதிநிதித்துவ முறையைக் கொண்டு வரவேண்டும்

இந்தியாவில் நடைமுறையில் இருக்கும் ‘அதிக வாக்குகளைப் பெறுபவரே வெற்றி பெறுகிறார்’ என்ற தேர்தல் முறையில் (FPTP) , ஒரு தொகுதியில் பதிவாகும் வாக்குகளில் அதிக வாக்குகளை எவர் பெறுகிறாரோ  அவர் வெற்றி பெற்றதாக அறிவிக்கப்படுகிறார். எனவே, அவரைத்தேர்ந்தெடுத்த வாக்குகள் மதிப்புள்ளவையாக ஆகின்றன. அவரைத் தவிர மற்றவர்களுக்கு கிடைக்கும் வாக்குகள் அனைத்தும் மதிப்பற்றவையாக ஆகின்றன. இதனால் எல்லா வாக்குக்கும் ஒரே மதிப்பு என்ற புரட்சியாளர் அம்பேத்கரின் கூற்று பொய்யாக்கப்படுகிறது. அரசியல் சமத்துவம் எட்டப்படாமலேயே உள்ளது. எனவேதான், இந்தியாவில் விகிதாச்சாரப் பிரதிநிதித்துவ முறையைக் கொண்டுவர வேண்டுமென்று  நீண்டகாலமாக பல்வேறு அரசியல் கட்சிகளும் வலியுறுத்தி வருகின்றன.

1974 ஆம் ஆண்டு ஜெயப்பிரகாஷ் நாராயணன் அவர்களால் நியமிக்கப்பட்ட நீதிபதி வி.எம்.தார்குண்டே தலைமையிலான குழுவும் அதை பரிந்துரைசெய்துள்ளது. இந்தியாவில் தலைமை தேர்தல் ஆணையர்களாக இருந்த பலரும் அதை வலியுறுத்தியுள்ளனர். இந்திய சட்ட ஆணையமும் விகிதாச்சார பிரதிநித்துவ முறையை நடைமுறைப்படுத்த வேண்டுமெனப் பரிந்துரை செய்து  1999 ஆம் ஆண்டு  விரிவான அறிக்கை ஒன்றை மத்திய அரசிடம்  அளித்துள்ளது.

எனவே, அவற்றின் அடிப்படையில் 30% பிரதிநிதிகளை நேரடித் தேர்தல் மூலமாகவும் , 70% பிரதிநிதிகளை விகிதாச்சார பிரதிநிதித்துவத் தேர்தல் முறையிலும்தேர்வுச் செய்யக்கூடிய  தேர்தல் முறை ஒன்றை இந்தியாவில் நடைமுறைக்குகொண்டுவர வேண்டுமென இம்மாநாடு வலியுறுத்துகிறது

“கோட்பாட்டு யுத்தத்தில் மட்டுமல்ல தேர்தல் களத்திலும் சாதிய மதவாத சக்திகளை எதிர்ப்போம்” தேசம் காப்போம் மாநாட்டில் எழுச்சித்தமிழர் தொல். திருமாவளவன் உரை

“கோட்பாட்டு யுத்தத்தில் மட்டுமல்ல
தேர்தல் களத்திலும் சாதிய மதவாத சக்திகளை எதிர்ப்போம்”

தேசம் காப்போம் மாநாட்டில்
எழுச்சித்தமிழர்
தொல். திருமாவளவன் உரை
———————————-

என் உயிரின் உயிரான விடுதலைச்சிறுத்தைகளுக்கும் தோழமைக் கட்சிகளின் தலைவர்கள் உள்ளிட்ட அனைவருக்கும் எனது பணிவார்ந்த வணக்கம்.

இம்மாநாட்டில் பங்கேற்று எம்மைப் பெருமைப்படுத்தியுள்ள தோழமை கட்சிகளின் தலைவர் பெருமக்கள் யாவருக்கும் முதலில் விடுதலைச்சிறுத்தைகள் கட்சியின் சார்பில் எமது நெஞ்சார்ந்த நன்றியைத் தெரிவித்துக்கொள்கிறேன்.

கௌதம புத்தர் காலத்தில் தொடங்கிய கோட்பாட்டு யுத்தம் இன்று விடுதலைச்சிறுத்தைகளின் காலம் வரையிலும் தொடர்கிறது. அதற்கான சாட்சியமே இந்த மாநாடு.

பழைய வரலாற்றைத் திருத்திப் புதிய வரலாறு படைக்க இருக்கும் வரலாற்றுச் சிறப்பு வாய்ந்த இம்மாநாடு, இந்திய அரசியலில் “சனாதனமா? சனநாயகமா? “ கோட்பாட்டின் அடிப்படையிலான ஒரு மாபெரும் உரையாடலைத் தொடங்கி வைப்பதாகவும் அதனை இருதுருவ மையமாக்கி மேலும் கூர்மைப்படுத்துவதாகவும் அமையும்.

பல ஆயிரம் ஆண்டுகளாக இந்த தேசம் சனாதனக் கோட்பாட்டை மையமாகக் கொண்டே இயங்கி வருகிறது. அதாவது, இது ‘சனாதன இந்தியா’ வாகவே கட்டமைக்கப்பட்டுள்ளது. அதற்கு மனு என்பவர் வரையறுத்த  ‘மனு ஸ்மிருதி’ அல்லது ‘மனு தர்மம்’ என்னும் ‘மனு சட்டமே’ அடிப்படையாய் இருந்தது. இன்று அதனை அடியோடு மாற்றிவிட்டு, முற்றிலும் புதியதொரு  ‘சனநாயக இந்தியா’வைக் கட்டமைக்கும் வகையில், புரட்சியாளர் அம்பேத்கர் வகுத்தளித்த ‘இந்திய கட்டமைப்புச் சட்டம்’ என்னும் ‘அரசமைப்புச் சட்டம்’ அடிப்படையாக உள்ளது.

மக்களை வருணம், சாதி, குலம், கோத்திரம் போன்றவற்றின் அடிப்படையில், பிறப்பை அளவுகோளாகக் கொண்டு ‘உயர்வு- தாழ்வை’க் கற்பித்து, அதனையே ஒரு சமூகக் கட்டமைப்பாக நிலைப்படுத்தியிருக்கும் ஆதிக்க சனாதனிகள், சனாதன இந்தியாவை அப்படியே கட்டிக் காப்பாற்ற வேண்டுமென துடியாய்த் துடிக்கின்றனர். அதில் சிறு சிராய்ப்பும் ஏற்பட்டுவிடாமல், பாகுபாடுகளாலான பழைமையைப் பாதுகாக்கவும் தொடர்ந்து தக்கவைக்கவும் வேண்டுமென பதையாய்ப் பதைக்கின்றனர்.ஆகவேதான் அவர்கள், புரட்சியாளர் அம்பேத்கர் வடிவமைத்த
இந்திய அரசமைப்புச் சட்டத்தைப் பகையாகக்  கருதுகின்றனர். அதனைத் தூக்கி எறிந்துவிட்டு, மனுச் சட்டத்தையே இந்தியாவின் அதிகாரபூர்வமான அரசமைப்புச் சட்டமாக அறிவித்திட பல்வேறு சதிமுயற்சிகளில் ஈடுபட்டுவருகின்றனர்.

சட்டத் திருத்தங்கள், அரசாணைகள் மற்றும்  நீதிமன்றத் தீர்ப்புகள் போன்றவற்றின் மூலமாக  அரசியலமைப்புச் சட்டத்தைப் படிப்படியாக நீர்த்துப்போகச் செய்யும்வகையில் தீவிரமாகச் செயல்பட்டு வருகின்றனர். சான்றாக, அண்மையில் பிரதமர் நரேந்திர
மோடியின் தலைமையிலான ‘சனாதன வல்லரசு’ , பொருளாதார அடிப்படையிலான இடஒதுக்கீடு சட்டத்தைக் கொண்டுவந்து, அரசமைப்புச் சட்டத்தின் அடிப்படைக் கூறுகளில் ஒன்றான சமூகநீதியின் வழியில் அமையும் சமத்துவத்தைச் சிதைக்கும் சதித் திட்டத்தை நிறைவேற்றியுள்ளது.

முன்னேறிய சாதிகள் என்னும் சமூகப் பிரிவினருக்கு உதவுவதைப் போன்ற ஒரு தோற்றத்தை உருவாக்கும் அதேவேளையில், சமூகநீதியின் வழியில் கட்டமைக்கப்படும் சமூக சமத்துவத்தை முற்றிலும் அழித்தொழிப்பதே அவர்களின் அடிப்படையான- முதன்மையான நோக்கமாகும். சமூகநீதியை அழிப்பதன்மூலமே சமத்துவத்தைத் தடுக்க முடியும். சமத்துவத்தைத் தடுப்பதன் மூலமே அரசமைப்புச் சட்டத்தைச் சிதைக்க முடியும். அரசமைப்புச் சட்டத்தைச் சிதைப்பதன் மூலமே சனநாயக இந்தியாவைக் கட்டமைக்கும் முற்போக்கான முயற்சியை முறியடிக்க முடியும். சனநாயக இந்தியாவைக் கட்டமைக்கும் முயற்சியை முறியடிப்பதன் மூலமே சனாதன இந்தியாவைத் தக்கவைத்து பாதுகாக்க முடியும். இதுதான் பாரதிய ஜனதாவின் தலைமையிலான பிற்போக்கு சனாதன சக்திகளின் நோக்கும் இலக்கும் ஆகும். இன்றைய சூழலில் சனாதன சக்திகளின் இத்தகைய  போக்குதான்,  மலர்ந்து வரும் புதிய சனநாயக இந்திய தேசத்துக்கு எதிரானதொரு பேராபத்தாகும்.

ஆட்சி நிர்வாகத்தில் அங்கிங்கெனாதபடி அடிமுதல் நுனிவரையில்  புரையோடி கிடக்கும் ஊழலை விடவும்; கொலை, கொள்ளை போன்ற குற்றச்செயல்களை விடவும்; மது உள்ளிட்ட பல்வேறு வகையிலான போதைப்பொருள்களால் பரவும் தீயக் கலாச்சாரத்தை விடவும்; ஏகாதிபத்திய ஆதிக்க வல்லரசுகளின் பொருளாதாரக் கொள்கைகள், அவற்றின் வழியாக நிகழும்
பன்னாட்டு நிறுவனங்களின் ஊடுருவல், ஆக்கிரமிப்பு மற்றும் சுரண்டலை விடவும் இன்று இந்திய தேசத்தின் சனநாயகப் பரிணாம வளர்ச்சிக்கு மிகப்பெரும் தீங்காக விளங்குவது சனாதனமே ஆகும்.

ஆரியம், பார்ப்பனியம், சாதியம், இந்துத்துவம், வர்ணாஸ்ரமம், மனுதர்மம் என்றெல்லாம்
 பல்வேறு சொல்லாடல்களால் அடையாளப்படுத்தப்படும் கருத்தியல் அல்லது கோட்பாடுதான் சனாதனம் ஆகும். பிராமணர்களைத் தவிர அனைத்து வருணங்கள் மற்றும் அனைத்துச் சாதிகளைச் சார்ந்தவர்களும் பிராமணர்களுக்குக் கீழானவர்களே என்கிற சமூக உளவியல் இங்கே வலுவாக கட்டமைக்கப்பட்டுள்ளது. மேல்-கீழ் என்கிற சமூக உளவியல் பார்ப்பனர்களுக்கிடையிலும் ஆழ வேரோடிக் கிடக்கிறது. வருணங்களுக்கிடையில் மட்டுமின்றி, சாதிகளுக்கிடையில் மட்டுமின்றி, ஒவ்வொரு மனிதருக்கிடையிலும் ஆணுக்கும் பெண்ணுக்குமிடையிலும் இத்தகைய உயர்வு- தாழ்வு உளவியல் கெட்டித்தட்டிக் கிடக்கிறது. இத்தகு சமூக உளவியல் தான் சனாதனம் ஆகும்.

கடவுளின் பெயரால், புனிதத்தின் பெயரால், நம்பிக்கை, பாரம்பரியம் என்கிற பழமைவாதத்தின் பெயரால், ஆட்சியதிகாரப் பீடத்தில் கோலோச்சியவர்களைப் பயன்படுத்தி காலம் காலமாகக் கட்டிக்காப்பாற்றப்பட்டு வரும் இந்த சனாதனம், மீண்டும் இந்தியமண்ணில் பேராதிக்கம் செலுத்தி கொட்டமடிக்கும் சூழல் உருவாகியுள்ளது.

ஆர்ஆர்எஸ்எஸின் அரசியல் முகமான பாரதிய ஜனதாவின் தலைமையில் இயங்கும்
சங்பரிவார்களின் ஆட்சிதான், சனாதனத்துக்கான பாதுகாப்பு அரணாக விளங்குகிறது. இந்நிலையில்,சனாதனத்தைப் பலவீனப்படுத்தி வீழ்த்தவும் சனநாயகத்தைப் பாதுகாத்து சமத்துவத்தை வென்றெடுக்கவும் இன்றைய உடனடித்தேவை இந்திய கட்டமைப்புச் சட்டமான அரசமைப்புச் சட்டத்தைப் பாதுகாக்க வேண்டும். அதற்கு சனாதன சக்திகளை மீண்டும் ஆட்சிக்கு வரவிடாமல் தடுக்கவேண்டும். அதற்கு தமிழ்நாடு உட்பட அகில இந்திய அளவில் மதசார்பற்ற சனநாயக சக்திகள் யாவரும் ஓரணியில் திரண்டு, வரும் நாடாளுமன்றப் பொதுத்தேர்தலில் ஆட்சியதிகாரத்தைக் கைப்பற்ற வேண்டும்.

அதற்கான ஒரு அரசியல் களமாகவே விடுதலைச்சிறுத்தைகளின் இந்த ‘தேசம்காப்போம் மாநாடு’ அமையும் என்பதைச் சுட்டிக்காட்ட விரும்புகிறேன். அத்துடன், தமிழ்நாட்டைப் பொருத்தவரையில் திமுக தலைமையிலான தோழமைக்கட்சிகள் அல்லது கூட்டணிகட்சிகள் ஒருங்கிணைந்து, கோட்பாட்டு யுத்தத்தில் மட்டுமின்றி
தேர்தல் களத்திலும் சாதியவாத, வகுப்புவாத சனாதன சக்திகளை வீழ்த்துவோம் என்பதையும் உறுதிபடக்கூற விரும்புகிறேன். சனாதனத்தை வேரறுப்போம்; புரட்சிகர சனநாயகத்தை வென்றெடுப்போம் எனக் கூறி அனைவருக்கும் நன்றி கூறி நிறைவு செய்கிறேன்.
நன்றி
வணக்கம்.

உலக கோப்பை போட்டி அட்டவணை முழுவிவரம் அறிவிக்கப்பட்டு உள்ளது. இந்தியா மோதும் நாடு தேதி மற்றும் இடம் அறிவிப்பு.

உலக கோப்பை போட்டி அட்டவணை முழுவிவரம் அறிவிக்கப்பட்டு உள்ளது. இந்தியா மோதும் நாடு தேதி மற்றும் இடம் அறிவிப்பு.

12–வது உலக கோப்பை கிரிக்கெட் போட்டி (2019) இங்கிலாந்தில் மே 30–ந்தேதி முதல் ஜூலை 14–ந்தேதி வரை நடக்கிறது. இதற்கான போட்டி அட்டவணையை இறுதி செய்து, சர்வதேச கிரிக்கெட் கவுன்சிலின் (ஐ.சி.சி.) செயல் அதிகாரிகள் கமிட்டி ஐ.சி.சி. போர்டுக்கு அனுப்பியுள்ளது. ஐ.சி.சி. போர்டு குழு ஒப்புதல் அளித்ததும் போட்டி அட்டவணை அதிகாரபூர்வமாக வெளியிடப்பட உள்ளது.

1992–ம் ஆண்டு உலக கோப்பைக்கு பிறகு முதல் முறையாக ரவுன்ட் ராபின் அடிப்படையில் லீக் சுற்று நடக்கிறது. அதாவது பங்கேற்கும் 10 அணிகளும் தங்களுக்குள் தலா ஒரு முறை சந்திக்க வேண்டும். லீக் முடிவில் முதல் 4 இடங்களை பிடிக்கும் அணிகள் அரைஇறுதிக்கு முன்னேறும்.

மொத்தம் 10 நகரங்களில் உள்ள 11 ஸ்டேடியங்களில் 48 ஆட்டங்கள் நடக்கின்றன. ஆசிய துணைக் கண்டத்து ரசிகர்கள் இரவு 11 மணிக்குள் கிரிக்கெட் போட்டி ஆட்டங்களை டி.வி.யில் பார்க்க வேண்டும் என்ற அடிப்படையில் இந்தியா, இலங்கை, பாகிஸ்தான் அணிகள் லீக் சுற்று வரை எந்த பகல்–இரவு ஆட்டங்களிலும் விளையாடாத வகையில் போட்டி அட்டவணை உருவாக்கப்பட்டுள்ளது. போட்டியை நடத்தும் இங்கிலாந்து அணி தங்களது 9 லீக் ஆட்டங்களையும் 9 வகையான மைதானங்களில் விளையாடுகிறது. அந்த அணி தொடக்க ஆட்டத்தில் மே 30–ந்தேதி தென்ஆப்பிரிக்காவை எதிர்கொள்கிறது.

அரைஇறுதி ஆட்டங்கள் மற்றும் இறுதிப்போட்டியை பகல் ஆட்டங்களாக நடத்த திட்டமிடப்பட்டு இருக்கிறது. பரம வைரிகள் இந்தியா–பாகிஸ்தான் அணிகள் மோதும் ஆட்டம் ஜூன் 16–ந்தேதி மான்செஸ்டரில் நடக்கிறது. இதே போல் எதிர்பார்ப்புக்குரிய நடப்பு சாம்பியன் ஆஸ்திரேலியா–இந்தியா இடையிலான ஆட்டம் ஜூன் 9–ந்தேதி லண்டன் ஓவலில் அரங்கேறுகிறது. இறுதிப்போட்டி லண்டன் லார்ட்சில் ஜூலை 14–ந்தேதி நடக்கிறது. ஜூலை 15–ந்தேதி இறுதிப்போட்டிக்குரிய மாற்று நாளாக வைக்கப்படும்.

இந்திய அணி விளையாடும் லீக் ஆட்டங்கள் 

ஜூன்.5 தென்ஆப்பிரிக்கா -சவுதம்டன்

ஜூன்.9 ஆஸ்திரேலியா- தி ஓவல்

ஜூன்.13 நியூசிலாந்து -நாட்டிங்காம்

ஜூன்.16 பாகிஸ்தான் -மான்செஸ்டர்

ஜூன்.22 ஆப்கானிஸ்தான்- சவுதம்டன்

ஜூன்.27 வெஸ்ட் இண்டீஸ்- மான்செஸ்டர்

ஜூன்.30 இங்கிலாந்து -பர்மிங்காம்

ஜூலை.1 வங்காளதேசம் -பர்மிங்காம்

ஜூலை.6 இலங்கை லீட்ஸ்

டிக்கெட் விலை

• 80,000+ டிக்கெட்டுகள்  விலை  ரூ 1834 (£20)

• 200,000+ டிக்கெட்டுகள் ரூ.4584 (£50) அல்லது அதற்கும் குறைவாக

• குழந்தைகளுக்கான கட்டணம் ரூ 550 இல் இருந்து ஆரம்பம் ( £6)

• குடும்பம்  நான்கு நபர்  ரூ.4765 (£52)

உலககோப்பை போட்டி அட்டவணை முழுவிவரம் வருமாறு:- 

கார்டிஃப் வேல்ஸ் ஸ்டேடியம், கார்டிஃப்

1 ஜூன் – நியூசிலாந்து v இலங்கை (பகல்)
4 ஜூன் – ஆப்கானிஸ்தான் v இலங்கை (பகல்)
8 ஜூன் –இங்கிலாந்து v வங்காளதேசம்(பகல்)
15 ஜூன் – தென்னாப்பிரிக்கா v ஆப்கானிஸ்தான்(பகல்/இரவு)

கவுண்டி மைதானம் பிரிஸ்டல்

1 ஜூன் – ஆப்கானிஸ்தான் ஆஸ்திரேலியா (பகல்/இரவு)
7 ஜூன் – பாகிஸ்தான் v இலங்கை (பகல்)
11 ஜூன் – வங்காளதேசம் v இலங்கை (பகல்)

கவுண்டிகிரவுண்ட் டவுன்டன், டவுன்டன்

8 ஜூன் – ஆப்கானிஸ்தான் v நியூசிலாந்து (பகல்/இரவு)
12 ஜூன் – ஆஸ்திரேலியா v பாகிஸ்தான் (பகல்)
17 ஜூன் – வெஸ்ட் இண்டீஸ்வங்காளதேசம் (பகல்) 

எட்க்பாஸ்டன், பர்மிங்காம்

19 ஜூன்– நியூசிலாந்து v தென்னாப்பிரிக்கா (பகல்)
26 ஜூன்நியூசிலாந்து v பாகிஸ்தான் (பகல்)
30 ஜூன்  – இங்கிலாந்து v இந்தியா (பகல்)
2 ஜூலை – வங்காளதேசம் v இந்தியா (பகல்)
11 ஜூலை– இரண்டாவது அரை இறுதி  (2 v 3) (பகல்)
12 ஜூலை – ரிசர்வ் டே

ஹாம்ப்ஷயர் பவுல், சவுத்தாம்ப்டன் 

5 ஜூன் – தென்னாப்பிரிக்கா v இந்தியா (பகல்)
10 ஜூன் – தென்னாப்பிரிக்கா v வெஸ்ட்இண்டீஸ்(பகல்)
14 ஜூன் – இங்கிலாந்து v வெஸ்ட்இண்டீஸ் (பகல்)
22 ஜூன்– இந்தியா v ஆப்கானிஸ்தான் (பகல்)
24 ஜூன்– வங்காளதெசம் v ஆப்கானிஸ்தான் (பகல்) 

ஹெட்பிங்லே, லீட்ஸ்

21 ஜூன் – இங்கிலாந்து v இலங்கை (பகல்)
29 ஜூன் – பாகிஸ்தான் v ஆப்கானிஸ்தான் (பகல்)
4 ஜூலை – ஆப்கானிஸ்தான் v வெஸ்ட்இண்டீஸ்(பகல்)
6 ஜூலை – இலங்கை v இந்தியா (பகல்)

லார்ட்ஸ், லண்டன்

23 ஜூன் – பாகிஸ்தான் v தென்னாப்பிரிக்கா(பகல்)
25 ஜூன் – இங்கிலாந்து v ஆஸ்திரேலியா (பகல்)
29 ஜூன் – நியூசிலாந்துv ஆஸ்திரேலியா (பகல்/இரவு)
5 ஜூலை – பாகிஸ்தான் v வங்காளதேசம் (பகல்/இரவு)
14 ஜூலை – இறுதிப்போட்டி (பகல்)
15 ஜூலை – ரிசர்வ் டே 

ஓல்ட்டிராஃபோர்ட், மான்செஸ்டர்

16 ஜூன் – இந்தியா v பாகிஸ்தான் (பகல்)
18 ஜூன் – இங்கிலாந்து v ஆப்கானிஸ்தான் (பகல்)
22 ஜூன் – வெஸ்ட்இண்டீஸ் v நியூசிலாந்து(பகல்/இரவு)
27 ஜூன் – வெஸ்ட்இண்டீஸ் v இந்தியா (பகல்)
6 ஜூலை – ஆஸ்திரேலியா v தென்னாப்பிரிக்கா(பகல்/இரவு)
9 ஜூலை - முதல்அரையிறுதி (1 v 4) (பகல்)
10 ஜூலை – ரிசர்வ் டே

திஓவல், லண்டன்

30 May – இங்கிலாந்து v தென்னாப்பிரிக்கா(பகல்)
2 ஜூன் –தென்னாப்பிரிக்காv வங்காளதேசம் (பகல்)
5 ஜூன் – வங்காளதேசம் v நியூசிலாந்து(பகல்/இரவு)
9 ஜூன் – இந்தியா v ஆஸ்திரேலியா (பகல்)
15 ஜூன் – இலங்கை v ஆஸ்திரேலியா (பகல்)

திரிவர்சைடு, செஸ்டர்-லெ-ஸ்ட்ரீட்

28 ஜூன் – இலங்கை v தென்னாப்பிரிக்கா(பகல்)
1 ஜூலை – இலங்கை v வெஸ்ட்இண்டீஸ் (பகல்)
3 ஜூலை – இங்கிலாந்து v நியூசிலாந்து(பகல்)

ட்ரெண்ட் பிரிட்ஜ், நாட்டிங்காம்

31 May – வெஸ்ட்இண்டீஸ் v பாகிஸ்தான் (பகல்)
3 ஜூன் – இங்கிலாந்து v பாகிஸ்தான் (பகல்)
6 ஜூன் – ஆஸ்திரேலியா v வெஸ்ட்இண்டீஸ் (பகல்)
13 ஜூன் – இந்தியா v நியூசிலாந்து(பகல்)
20 ஜூன் – ஆஸ்திரேலியா v வங்காளதேசம் (பகல்)

நன்றி தினத்தந்தி

அமைச்சர் பதவியிலிருந்து பாலகிருஷ்ண ரெட்டி ராஜினாமா!

அமைச்சர் பதவியிலிருந்து பாலகிருஷ்ண ரெட்டி ராஜினாமா!


சென்னை: பஸ் மீது கல்லெறிந்த வழக்கில் குற்றவாளி என்று தண்டனை விதிக்கப்பட்டதைத் தொடர்ந்து அமைச்சர் பாலகிருஷ்ண ரெட்டி தனது பதவியை ராஜினாா செய்துள்ளார்.


முன்னதாக முதல்வர் எடப்பாடி பழனிச்சாமியை சந்தித்து ஆலோசனை நடத்தினார். அதைத் தொடர்ந்து தலைமைச் செயலாளர் கிரிஜா வைத்தியநாதன், அரசு தலைமை வழக்கறிஞர் ஆகியோருடனும் ஆலோசனை நடத்தினார் முதல்வர். இதைத் தொடர்ந்து ரெட்டி ராஜினாமா செய்தி வெளியானது.


1998 ஆம் ஆண்டு தமிழகத்தை உலுக்கிய போராட்டத்தில்தான் அதிமுக அமைச்சர் பாலகிருஷ்ண ரெட்டி குற்றவாளி என்று அறிவிக்கப்பட்டுள்ளார். கள்ளச்சாராயத்திற்கு எதிராக நடைபெற்ற போராட்டத்தில், பஸ் மீது கல்லெறிந்ததாக பாலகிருஷ்ண ரெட்டி மீது வழக்கு பதிவு செய்யப்பட்டிருந்தது.

1998ல் பேருந்துகள் மீது கல்வீசியதாக தொடரப்பட்ட வழக்கு 20 வருடமாக நடந்தது. இதில் இவருக்கு எதிராக சென்னை சிறப்பு நீதிமன்றம் இந்த வழக்கில் தீர்ப்பு வழங்கியுள்ளது. பாலகிருஷ்ண ரெட்டி 3 ஆண்டு சிறை தண்டனையும் 10,500 ரூபாய் அபராதமும் அளிக்க வேண்டும் என்று தீர்ப்பு வழங்கப்பட்டது.


பாலகிருஷ்ண ரெட்டி மேல் முறையீடு செய்யவுள்ளதால் அதற்கு வசதியாக தீர்ப்பு நிறுத்தி வைக்கப்பட்டுள்ளது. 1 மாத காலத்திற்கு தீர்ப்பு செயல்படுத்தப்பட மாட்டாது.


இதையடுத்து, சென்னை கிரீன்வேஸ் சாலையிலுள்ள இல்லத்தில் முதல்வர் பழனிசாமியுடன் அமைச்சர் பாலகிருஷ்ண ரெட்டி ஆலோசனை செய்தார். அப்போது அவர் தனது ராஜினாமா கடிதத்தை முதல்வரிடம் கொடுத்தார்.


இதையடுத்து தலைமைச் செயலாளர் கிரிஜா வைத்தியநாதன், தமிழக அரசின் தலைமை வழக்கறிஞர் ஆகியோர் முதல்வர் எடப்பாடி பழனிச்சாமியை அவரது இல்லத்தில் சந்தித்து ஆலோசனை நடத்தினர். அதன் பின்னர் ரெட்டியின் ராஜினாமா குறித்த முறையான அறிவிப்பு வெளியானது.