மதி நியூஸ் 11/04/18 !

மதி நியூஸ் 11/04/18 !

விழுப்புரம் மாவட்டம் திண்டிவனத்தில் காவேரி மேலாண்மை வாரியம் அமைக்க வேண்டி இரயில் மீது ஏறி போராடிய பாமக தொண்டர் மின்சாரம் தாக்கி ஒருவர்பலி.

தமிழகத்தில் உள்ள பல்கலைக்கழகங்கள் எந்த சூழலிலும் மத்திய அரசின் கட்டுப்பாட்டுக்குள் செல்வதற்கு வாய்ப்பில்லை -உயர்கல்வித்துறை அமைச்சர் கேபி.அன்பழகன்.

உள்ளாட்சி வார்டு மறுவரையறை பணிகளை விரைந்து முடித்து, விரைவில் உள்ளாட்சி தேர்தல் நடத்த நடவடிக்கை எடுக்கப்படும் - அமைச்சர் வேலுமணி.

ஸ்டெர்லைட் ஆலைக்கு எதிராக தூத்துக்குடியில் போராட்டத்தில் ஈடுபட்ட இந்திய கம்யூ.மாநிலச் செயலாளர் நல்லக்கண்ணு உட்பட 100க்கும் மேற்பட்டோர் கைது.

ஸ்டெர்லைட் ஆலையால் பெரும் பாதிப்பு இருக்கிறது மக்கள் பெரும் பாதிப்படைந்திருக்கிறார்கள்.உடனடியாக மத்திய, மாநில அரசுகள் ஸ்டெர்லைட் ஆலையை நிரந்தரமாக மூட வேண்டும் : நல்லகண்ணு.

எங்களை விட காவிரி மேலாண்மை வாரியம் அமைக்க வேண்டும் என தமிழக மக்கள் விழிப்புணர்வு பெற்றுள்ளனர்.தமிழகத்தில் காவிரி பிரச்சனை இருக்கும் போது ஐபிஎல் போட்டியை அனுமதிக்கக் கூடாது : முக.ஸ்டாலின்.

இறைச்சிக்காக மாடுகளை விற்கலாம் மத்திய அரசு புதிய வரைவு.

அடுத்த 25 ஆண்டுகளில் எரிசக்தியில் இந்தியா முக்கிய சக்தியாக விளங்கும்.மேக் இந்தியா திட்டத்தின் கீழ் உள்நாட்டு உற்பத்தியை அரசு ஊக்குவிக்கிறது - பிரதமர் மோடி.

காவிரி மேலாண்மை வாரியம் அமைக்கக்கோரி, முழுஅடைப்பு போராட்டத்தை தொடர்ந்து, காவிரி உரிமை மீட்பு பயணத்தை நடத்தி வருகிறோம் : திமுக செயல் தலைவர் முக.ஸ்டாலின்.

காவிரி விவகாரத்தில் தேர்தலை கருத்தில் கொண்டு, மத்திய அரசு கர்நாடகத்திற்கு சாதகமாக செயல்படுகிறது - அன்புமணி ராமதாஸ்.

காவிரி மேலாண்மை வாரியம் அமைக்கக் கோரி சென்னை எழும்பூர் ரயில் நிலையத்தை முற்றுகையிட முயன்ற பாமக இளைஞரணி தலைவர் அன்புமணி ராமதாஸ் கைது.

காவல் துறையினர் மீதான தாக்குதல் வன்முறையின் உச்சகட்டம் - ஐபிஎல் போட்டி எதிர்ப்பு போராட்டம் குறித்து நடிகர் ரஜினி.

வன்முறையை ஏற்க முடியாது ரஜினியின் கருத்து வரவேற்கத்தக்கது - அமைச்சர் ஜெயக்குமார்.

சென்னையில் நிஜாம் பாக்கு நிறுவன உரிமையாளர் வீட்டில் வருமானவரி சோதனையின் போது கணக்கில் வராத ரூ.3 கோடி பறிமுதல்.

உச்சநீதிமன்ற தலைமை நீதிபதி, மூத்த நீதிபதிகளுடன் ஆலோசித்தே வழக்குகளை ஒதுக்க வேண்டும் என தொடரப்பட்ட பொதுநல மனு தள்ளுபடி.

சிறுமி ஹாசினி கொலை வழக்கு : தூக்கு தண்டனையை எதிர்த்து தஷ்வந்த் சென்னை உயர்நீதிமன்றத்தில் மேல்முறையீடு. 4 வாரங்களில் காவல்துறை பதிலளிக்க சென்னை உயர்நீதிமன்றம் உத்தரவு.

தனது தரப்பு வாதங்களை முழுமையாக கருத்தில் கொள்ளாமல் தூக்கு தண்டனை வழங்கப்பட்டதாக தஷ்வந்த் தரப்பு மனுவில் புகார்.

காவிரி மேலாண்மை வாரியம் அமைக்கக் கோரி ஜெ தீபா நாளை ஈரோடு ரயில் நிலையம் முன்பு தீபா பேரவை நாளை கண்டன ஆர்ப்பாட்டம்.

காமன்வெல்த் டபுள் டிராப் துப்பாக்கிச்சுடுதல் போட்டியில் இந்தியாவுக்கு தங்கப்பதக்கம்.

காவிரி மேலாண்மை வாரியம் அமைக்காததை கண்டிக்கும் விதமாக தமிழகம் வருகை தரும் பிரதமர் மோடிக்கு எதிர்ப்பு தெரிவித்து நாமக்கல் மஜீத் தெருவில் உள்ள வீடுகளில் கருப்பு கொடி கட்டி போராட்டம்.

ரஜினி கருத்து அரசியல் அறியாமையை காட்டுகிறது - நடிகர் அமீர்.

ரஜினியின் கருத்து கர்நாடக பாசத்தை காட்டுகிறது - தமீமுன் அன்சாரி.

தமிழகத்தில் முதன்முறையாக பாதுகாப்புத்துறை சார்பில் 800 கோடி செலவில் அமைக்கப்பட்டுள்ள பிரமாண்ட ராணுவ தளவாட கண்காட்சி இன்று தொடங்கியது.

காவிரி மேலாண்மை வாரியம் அமைக்காததைக் கண்டித்து
திருப்பத்தூர் அஞ்சலம் எதிரில் ஆர்ப்பாட்டத்தில் ஈடுபட்ட பாமகவினர் 300 பேர் கைது.

பாமக போராட்டத்தின் எதிரொலி உளுந்தூர்பேட்டை அருகே செங்குறிச்சி டோல்கேட்டின் வழியாக செல்லும் அனைத்து வாகனங்களும் இலவசமாக அனுப்பி வைக்கப்பட்டு வருகிறது.

அண்ணாபல்கலை கழக துணைவேந்தராக எம்கே.சூரப்பா நியமனம் செய்யப்பட்டதற்கு எதிர்ப்பு தெரிவித்து சென்னை கிண்டியில் இந்திய மாணவர் சங்கத்தினர் சாலையில் அமர்ந்து தர்ணா போராட்டம்.

பாமக சார்பில் இன்று முழுஅடைப்பு : கர்நாடகாவில் இருந்து சத்தியமங்கலம் வழியாக தமிழகத்துக்கு இயக்கப்படும் கர்நாடக அரசுப் பேருந்துகள் நிறுத்தம்.

ரூ.2 கோடி வங்கி உத்திரவாதம் அளிக்க உத்தரவிட்டு “காளி” படத்திற்கு விதித்த இடைக்காலத் தடை நீக்கம் - உயர்நீதிமன்றம்.