பிளஸ் 2 தேர்வுகள் இன்று முதல் தொடங்குகிறது..

பிளஸ் 2 தேர்வுகள் இன்று முதல் தொடங்குகிறது..

இதனை தமிழகம் மற்றும் புதுச்சேரியைச் சேர்ந்த 8 லட்சத்து 66 ஆயிரத்து 934 மாணவ, மாணவிகள் எழுதுகின்றனர்..

மேலும் தனித் தேர்வர்களாக 40,682 பேர் எழுதுகின்றனர்..

அதுமட்டுமல்லாமல் சென்னை புழல் மத்திய சிறையில் உள்ள 103 கைதிகள் பிளஸ் 2 தேர்வு எழுதுகின்றனர்..

இதற்காக 2,756 தேர்வு மையங்கள் அமைக்கப்பட்டுள்ளன. தேர்வுகள் காலை 10 மணிக்கு தொடங்கி, நண்பகல் 1.15 மணிக்கு நிறைவு பெறுகிறது..

பிளஸ் 2 தேர்வுகளுக்கான அனைத்து ஏற்பாடுகளும் தயார் நிலையில் இருப்பதாக அரசு தேர்வுகள் துறை இயக்குநர் வசுந்தராதேவி தெரிவித்தார்..

தேர்வு மையங்களில் காப்பி அடித்தல், ஆள் மாறாட்டம், பிட் அடித்தல் போன்ற முறைகேடுகளை தடுக்க 4,000 பறக்கும் படைகள்அமைக்கப்பட்டுள்ளன..

முறைகேட்டில் ஈடுபடும் மாணவர்கள் மீது கடும் நடவடிக்கை எடுக்கப்படும் என்று தெரிவிக்கப்பட்டுள்ளது..

தேர்வை கண்காணிக்கும் ஆசிரியர்கள் செல்போன் உள்ளிட்ட மின் சாதனப் பொருட்கள் பயன்படுத்த தடை விதிக்கப்பட்டுள்ளது..