காவிரி - கடந்து வந்த பாதை

காவிரி  - கடந்து வந்த பாதை:


1807 - காவிரி நீர் பகிர்வு பிரச்சனை ஆம் ஆண்டு தொடங்கியது.

1892 - காவிரி நீர் பகிர்வு குறித்து சென்னை - மைசூர் இடையே 50 ஆண்டுகளுக்கு ஒப்பந்தம்

1910 - காவிரிக்கு குறுக்கே கிருஷ்ணராஜசாகர் அணை கட்ட மைசூர் அரசு முடிவு

1924 - சென்னையும், மைசூரும் அணை கட்டிக்கொள்ள பிரிட்டிஷ் அரசு அனுமதி அளித்தது

1947 - இந்தியா சுதந்திரம் பெற்ற பின்னரும், 1924 ஒப்பந்தப்படியே காவிரி நீர்ப்பகிர்வு   நடந்து வந்தது.

1956 - மொழிவாரி மாநிலங்கள் பிரித்த போது காவிரி உற்பத்தியாகும் குடகுமலை கர்நாடகாவின் பகுதியானது

கபினியின் பிறப்பிடம் கேரளாவில் அமைந்ததால் காவிரி நீரில் கேரளாவும், புதுச்சேரியும் பங்கு கேட்டன.

1960 -  மேலும் 2 அணைகள் கட்ட கர்நாடக அரசு திட்டம் - தமிழக அரசு கடும் எதிர்ப்பு

1974 - 50 ஆண்டுகால காவிரி நீர் பகிர்வு ஒப்பந்தம் நிறைவடைந்தது

1986 - காவிரி நடுவர் மன்றம் அமைக்க வேண்டும் என்று தமிழக அரசு கோரிக்கை

1990 - பிரதமர் வி.பி.சிங் தலைமையிலான மத்திய அரசு காவிரி நடுவர் மன்றம் அமைத்தது

நடுவர் மன்றத்தில் கார்நாடகா 465 , தமிழகம் 566 , கேரளா 99.8 , புதுச்சேரி 9.3 டி.எம்.சி தண்ணீர் கேட்டது.

1991  ஜூன் 25-ல் காவிரி நடுவர் மன்றம் இடைக்கால தீர்ப்பை அளித்தது.

1991 -  டிசம்பர் 11-ல் தீர்ப்பை  அரசிதழிலில் வெளியிட்டது. அதில் தமிழகத்திற்கு 205 டி.எம்.சி தண்ணீர் வழங்க கர்நாடகாவுக்கு உத்தரவிட்டது.

1991 - மேலும் 11.2 லட்சம்  ஏக்கருக்கு மேல் கர்நாடகாவின் சாகுபடி பரப்பளவு உயர்த்தக்கூடாது என உத்தரவு

1991 - இதன் தொடர்ச்சியாக தமிழர்களுக்கு எதிராக கர்நாடகாவில் நிகழ்ந்த கலவரத்தில் 12 தமிழர்கள் கொல்லப்பட்டனர்.

1995 - 30 டி.எம்.சி தண்ணீர் தர கர்நாடகா மறுத்ததை அடுத்து உச்சநீதிமன்றத்தை தமிழகம் நாடியது.

1995 - தமிழகத்துக்கு 11 டி.எம்.சி தண்ணீர் திறந்து விட உச்சநீதிமன்றம் உத்தரவு - கர்நாடக அரசு மீண்டும் நிராகரித்தது.

1998- பிரதமர் வாஜ்பாய் தலைமையில் காவிரி ஆணையம் அமைப்பு

2002 - காவிரி நீர் பகிர்வு பிரச்சனை மீண்டும் வெடித்தது.

2007 - காவிரி நடுவர் மன்றம் தீர்ப்பு வழங்கியது


2007 - அதில் கர்நாடகாவிற்கு 270 டி.எம்.சி, தமிழ்நாட்டிற்கு 192 டி.எம்.சி தண்ணீர் என தீர்ப்பு

2007 -  தீர்ப்பை அரசிதழில் வெளியிடக்கோரி அப்போதைய முதலமைச்சர் ஒருநாள் உண்ணாவிரதப் போராட்டம்.

2007 -  நடுவர் மன்ற தீர்ப்பை எதிர்த்து தமிழ்நாடு, கேரளா புதுச்சேரி உச்சநீதிமன்றத்தில் பதில் மனு தாக்கல்

2013 - காவிரி நடுவர் மன்றத்தின் இறுதித்தீர்ப்பு மத்திய அரசின் அரசிதழில் வெளியிடப்பட்டது.

2014 - உச்சநீதிமன்றத்தில் எழுத்துப்பூர்வமான பதிலை கர்நாடக அரசு தாக்கல் செய்தது.


2014 - அதனைத் தொடர்ந்து தமிழக அரசும் உச்சநீதிமன்றத்தில் பதில்களை தாக்கல் செய்தது.


2016 - கேரள அரசு உச்சநீதிமன்றத்தில் பதில்களை தாக்கல் செய்தது.

100 ஆண்டுகளுக்கு மேலாக நடைபெற்ற வழக்கில் இன்று தமிழகத்திற்கு பாதகமான தீர்ப்பு


இன்று தீர்ப்பு:

காவிரியில் இருந்து தமிழகத்திற்கு கர்நாடகா 177.25 டி.எம்.சி நீர் தர உச்சநீதிமன்றம் உத்தரவு

2007-ல் நடுவர் மன்றம் 192 டிஎம்சி வழங்க உத்தரவிட்ட நிலையில் அதனை குறைத்தது

தற்போதைய தீர்ப்பு காரணமாக 14.75 டிஎம்சி நீர் தமிழகத்திற்கு குறைவாக கிடைக்கும்

காவிரி மேலாண்மை வாரியம் அமைக்க உச்சநீதிமன்றம் உத்தரவிட்டுள்ளது

காவிரி தொடர்பான அனைத்து வழக்குகளும் முடித்து வைக்கப்பட்டன

இறுதி தீர்ப்பை எதிர்த்து யாரும் மேல்முறையீடு செய்ய முடியாது என உச்சநீதிமன்றம் திட்டவட்டம்