கடந்த வாரம் வெளியான 6ஜிபி ரேம் ஸ்மார்ட்போனுக்கு ரூ.5,000/- ஆபர்; அமேசான் அதிரடி.!

 

கேமராக்களில் பல புதுமைகளை புகுத்தும் "செல்பீ நிபுணர்" என்று அழைக்கப்படும் ஒப்போ நிறுவனத்தின் புதிய ஸ்மார்ட்போன் தொடரான ரியல்மீ வரிசையின் கீழ் வெளியான ஸ்மார்ட்போன் தான் - ரியல்மீ 1. இந்த ஸ்மார்ட்போனின் 6 ஜிபி ரேம் மாறுபாடு, இன்று அமேசான் தளத்தில் அதன் வழக்கமான விற்பனை பட்டியலில் இடம்பெறவுள்ளது.

அமேசான் வழியாக மட்டுமே வாங்க கிடைக்கும் என்பதால் ரியல்மீ 1 மீது நம்பமுடியாத விலைக்குறைப்பு ஏற்படுத்தப்பட்டுள்ளது. விற்பனைக்கு வரும் இதன் 6 ஜிபி ரேம் + 128 ஜிபி சேமிப்பு மாடல் ஆனது ரூ.5000/- என்கிற அளவிலான சலுகையை பெற்றுள்ளது. 

பொறுத்தவரை..!இதுவொரு பிளாஷ் சேல் அல்ல என்பதும், ரூ.5000/- சலுகையுடன் சேர்த்து அமேசானின் எக்ஸ்சேன்ஜ் வாய்ப்பின் கீழ் ரூ.7,208/- வரை பரிமாற்ற வாய்ப்பை பெறலாம் என்பதும் கூடுதல் சிறப்பு. பல வகையான வங்கி அட்டைகளுக்கான 6 மாத கால நோ காஸ்ட் இஎம்ஐ மற்றும் பஜாஜ் பைனான்ஸ் கார்டு பயன்பாடு உட்பட பல சலுகைகள் கிடைக்கும்.

இந்த ஸ்மார்ட்போனை வாங்கும் பயனர்களுக்கு கின்டெல் இபுக்ஸ் வாங்குவதற்கான 80 சதவிகிதம் (ரூ.300) தள்ளுபடியும் கிடைக்கும். உடன் ஒரு இலவச ஸ்மார்ட்போன் கேஸ் மற்றும் ஸ்க்ரீன் ப்ரோடெக்டர் மற்றும் ரூ.4,850/- மதிப்பிலான ஜியோ சலுகைகள் ஆகியவைகளையும் கிடைக்கும்.

இந்தியாவில், ரியல்மீ 1 ஸ்மார்ட்போனின் அடிப்படை மாறுபாடான 3 ஜிபி ரேம் மற்றும் 32 ஜிபி உள் சேமிப்பு மாடல் ரூ.8,990/-க்கும் மற்றும் இதன் 6 ஜிபி ரேம் + 128 ஜிபி சேமிப்பு மாடல் ரூ.13,990/-க்கும் வாங்க கிடைக்கும். மறுகையில் 4 ஜிபி ரேம் மற்றும் 64 ஜிபி மாடல் ஒன்றும் உள்ளது. ஆனால் அது இன்னும் வாங்குவதற்கு பட்டியலிடப்படவில்லை. அது விரைவில் விற்பனைக்கு வரும் என்று எதிர்பார்க்கப்படுகிறது.

அம்சங்களை பொறுத்தவரை, ரியல்மீ 1 ஆனது, 12-அடுக்கு நானோடெக் மெட்டீரியல் மூலம் செய்யப்பட்ட ஒரு பளபளப்பான மேற்பரப்பை கொண்ட டயமண்ட் பிளாக் பூச்சு கொண்டு வருகிறது. இந்த ஸ்மார்ட்போன் ஒரு 6 அங்குல முழு எச்டி+ டிஸ்பிளேவை கொண்டு உள்ளது. மீடியா டெக் ஹெலியோ பி60 சிப்செட் மூலம் இயக்கப்படும் இந்த ஸ்மார்ட்போன் 4ஜி ஆதரவையும் கொண்டுள்ளது.

உடன் இந்த துணை பிராண்டிற்கான 500-க்கும் அதிகமான அங்கீகரிக்கப்பட்ட சேவை மையங்களை (இந்தியா முழுவதும்) ஒப்போ அறிவித்துள்ளது. சில முக்கிய நகரங்களுக்கு 1 மணி நேர உத்தரவாத சேவையும் அணுக கிடைக்கும். மேலும் பல ஒப்போ மற்றும் இதர நிறுவனங்களின் ஸ்மார்ட்போன்கள் பற்றிய அறிமுகம், அம்சங்கள், சலுகைகள், விலைகுறைப்பு மற்றும் லீக்ஸ் அப்டேட்ஸ்களுக்கு தமிழ் கிஸ்பாட் தளத்தின் மொபைல் பிரிவின் கீழ் இணைந்திருக்கவும்.