விமர்சனத்துக்குள்ளாகும் இன்றைய பிக்பாஸ் புரோமோ

பிக்பாஸ் நிகழ்ச்சி கடந்த சீசனைப் போல் சுவாரஸ்யமாக இல்லை என பலரும் விமர்சித்து வரும் வேளையில் இன்று இதுவரை இரண்டு புரோமோக்களை வெளியிட்டிருக்கிறது சம்பந்தப் பட்ட தொலைக்காட்சி. 

முதல் புரோமோ பார்ப்பவர்களை அதிர்ச்சியாக்கியுள்ளது. ஆம், இன்று நடக்கவிருக்கும் எபிசோடில் ஏதோ விவகாரமான டாஸ்க் இருக்கிறது போல் தெரிகிறது, அதில் ஐஸ்வர்யாவும், ஜனனியும் லிப் லாக் அடிப்பது போல் ப்ரோமோ வந்துள்ளது. இதை பார்த்த பலரும் தங்களது விமர்சனத்தைத் தெரிவித்து வருகின்றனர். 

அனைவரிடமும் கோபத்தை வெளிப்படுத்தி கொண்டிருக்கும் நித்யா, இன்றும் தனது கோபத்தை வெளிப்படையாகக் காட்டும் மற்றொரு புரோமோவும் வெளியாகியிருக்கிறது. 

மும்தாஜ், ஓரிடத்தில் அமர்ந்து இருக்குமாறு நித்யாவிடம் கூறும் போது அதை எப்படி நீங்கள் கூறலாம்? என கோபத்துடன் கேட்கிறார் நித்யா.. மேலும் மமதியிடமும் ’நான் அறிவுரை தேவைப்படும் போது கூப்பிடுறேன், இப்போது அறிவுரை வேணாம்’ என்று காரசாரமாக பதிலளிக்கிறார்.

இதையெல்லாம் பார்த்துக் கொண்டிருக்கும் பாலாஜி, ’எல்லாரிடமும் கெட்ட பேர வாங்கிட்டாங்க, சர்ருன்னு ஏறுது’ என புலம்புவது போல் இருக்கிறது. 

இன்னும் எத்தனை நாளுக்குத்தான் நித்யா-பாலாஜியை வைத்து நிகழ்ச்சியை ஓட்டுவார்களோ என ஒட்டு மொத்த நெட்டிசன்களும் விமர்சித்து வருகிறார்கள்.