1-ம் வகுப்பு முதல் பிளஸ்-2 வரை காலாண்டு, அரையாண்டு, இறுதி தேர்வு தேதிகள் வெளியீடு

1-ம் வகுப்பு முதல் பிளஸ்-2 வரை காலாண்டு, அரையாண்டு, இறுதி தேர்வு தேதிகள் வெளியீடு

தமிழக பள்ளி கல்வித்துறை அமைச்சராக கே.ஏ.செங்கோட்டையன் பதவியேற்ற பின்னர் சி.பி.எஸ்.இ.க்கு இணையாக புதிய பாடத்திட்டம், தனியார் பள்ளிகளுக்கு இணையாக சீருடைகள் அறிமுகம் என கல்வித்துறையில் பல்வேறு சீர்திருத்தங்கள் நடைபெற்று வருகிறது.

அந்தவகையில் 10, 11 மற்றும் பிளஸ்-2 வகுப்பு மாணவர்கள் பொதுத்தேர்வுக்கு முன்கூட்டியே தயாராகும் வகையிலும், அவர்களுடைய மன அழுத்தத்தை குறைக்கும் நடவடிக்கையாகவும் பொதுத் தேர்வு தேதிகள் வகுப்புகள் தொடங்கிய அன்றே அறிவிக்கப்பட்டு வருகிறது.

அதன்படி நடப்பாண்டுக்கான பொதுத் தேர்வு தேதிகள் அறிவிக்கப்பட்டுள்ளது.

தற்போது 1 முதல் 9 வரையிலான வகுப்புகளுக்கு காலாண்டு, அரையாண்டு மற்றும் இறுதி தேர்வு கால அட்டவணையும், 10-ம் வகுப்பு முதல் பிளஸ்-2 வரையிலான வகுப்புகளுக்கு காலாண்டு, அரையாண்டு தேர்வு கால அட்டவணையும் வெளியிடப்பட்டுள்ளது.

இதுதொடர்பாக பள்ளிக் கல்வி இயக்குனர் ராமேஸ்வர முருகன் அனைத்து மாவட்ட கல்வி அலுவலர்களுக்கும் சுற்றறிக்கை அனுப்பி உள்ளார். இந்த சுற்றறிக்கை மாவட்ட கல்வி அலுவலர்கள் மூலம் அனைத்து பள்ளிகளுக்கும் அனுப்பப்பட்டு வருகிறது.

1-ம் வகுப்பு முதல் 8-ம் வகுப்பு:-

* காலாண்டு தேர்வு- செப்டம்பர் 17-ந்தேதி முதல் 22-ந்தேதி வரை,

* அரையாண்டு தேர்வு- டிசம்பர் 17-ந்தேதி முதல் 22-ந்தேதி வரை,

* இறுதித் தேர்வு- ஏப்ரல் 10-ந்தேதி முதல் 18-ந்தேதி வரை.

9-ம் வகுப்பு முதல் பிளஸ்-2 வரை:-

* காலாண்டு தேர்வு- செப்டம்பர் 10-ந்தேதி முதல் 22-ந்தேதி வரை,

* அரையாண்டு தேர்வு- டிசம்பர் 10-ந்தேதி முதல் 22-ந்தேதி வரை,

* இறுதித் தேர்வு- ஏப்ரல் 8-ந்தேதி முதல் 18-ந்தேதி வரை(9-ம் வகுப்பு மட்டும்).

செப்டம்பர் 23-ந்தேதி முதல் அக்டோபர் 2-ந்தேதி வரையில் காலாண்டு விடுமுறை காலமாகவும், டிசம்பர் 23-ந்தேதி முதல் ஜனவரி 1-ந்தேதி வரை அரையாண்டு விடுமுறை காலமாகவும், ஏப்ரல் 19-ந்தேதி முதல் ஜூன் 2-ந்தேதி வரை கோடை விடுமுறை காலமாகவும் அறிவிக்கப்பட்டுள்ளது.

முன் கூட்டியே விடுமுறை காலம் அறிவிக்கப்பட்டிருப்பது, மாணவர்கள், பெற்றோர்களுடன் சுற்றுலா செல்வது, சொந்த ஊர்களுக்கு செல்வது போன்ற திட்டங்களை வகுப்பதற்கு வாய்ப்பாக அமைந்துள்ளது.

கருணாநிதிக்கு என்ன நடக்கிறது ?மெடிக்கல் ரிப்போர்ட்

கருணாநிதிக்கு என்ன நடக்கிறது ?மெடிக்கல் ரிப்போர்ட்
--------------------------------------------------------------

திமுகவின் ஐம்பதாண்டு கால தலைவர், தமிழகத்தின் ஐந்து முறை முதல்வர், இன்று இந்தியாவின் மிக மூத்த அரசியல் தலைவர் இப்படி பல அடைமொழிகளுக்குச் சொந்தக்காரரான மு.கருணாநிதி,சென்னை கோபாலபுரத்தில் உள்ள தனது இல்லத்தில் உடல் நலக் குறைவால் சிகிச்சை பெற்று வருகிறார்.

நாட்டின் முதல் குடிமகனான குடியரசுத் தலைவர் மாளிகையில் இருந்து நாட்டின் கடைகோடி குடிமகனான கிராமத்து உடன்பிறப்பு வரை, கருணாநிதியின் உடல் நலம் குறித்து பதற்றத்தோடு விசாரித்து அவர் குணமடைய வேண்டும் என்று தங்கள் விருப்பங்களையும் வேண்டுதல்களையும் முன் வைத்து வருகின்றனர்.

கருணாநிதியின் உடல் நலம் எப்படி இருக்கிறது?

2016 அக்டோபர் மாதம் 25 ஆம் தேதி திமுக சார்பில் வெளியிடப்பட்ட ஓர் அறிக்கையில், திமுக தலைவர் கருணாநிதிக்கு ஒவ்வாமை ஏற்பட்டு சிகிச்சை பெற்று வருவதாகவும் அதனால், அவரைப் பார்க்க வருவதைத் தவிர்க்க வேண்டும் என்றும் தெரிவிக்கப்பட்டது. அப்போது முதல் தனது வெளிப் பயணத்தை குறைத்துக் கொண்ட திமுக தலைவர் கருணாநிதி கோபாலபுரம் இல்லத்திலேயே ஓய்வெடுத்து வந்தார்.

கடந்த 2016 டிசம்பர் 1 ஆம் தேதி நீர்ச் சத்து குறைபாடு காரணமாக காவேரி மருத்துவமனையில் அனுமதிக்கப்பட்ட கருணாநிதி சில நாட்கள் ஓய்வுக்குப் பிறகு மீண்டும் இல்லம் திரும்பினார். சில நாட்கள் கழித்து மீண்டும் டிசம்பர் 15 ஆம் தேதி காவேரி மருத்துவமனையில் அனுமதிக்கப்பட்டார். அப்போது அவருக்கு முதுமை காரணமாக சளித்தொல்லையும், சுவாசக் கோளாறும் இருந்தது. அதனால் அப்போது அவருக்கு “டிரக்கியோஸ்டோமி” சிகிச்சை அளிக்க டாக்டர்கள் முடிவு செய்தனர்.

முதுமை காரணமாக கருணாநிதியின் நுரையீரல் தனது செயல் திறனைக் குறைத்துக் கொண்டிருப்பதால் அவரது சுவாசத்தில் பிரச்னை ஏற்பட்டது. மேலும் சளித் தொல்லையும் அவரது சுவாசத்துக்குப் பிரச்னையாக இருந்தது. இதனால், “டிரக்கியோஸ்டோமி எனப்படும் செயல்முறைப்படி அவரது தொண்டையில் துளையிடப்பட்டு சுவாசக் குழாயோடு செயற்கை குழாய் ஒன்று இணைக்கப்பட்டது. இதன் மூலம் சளி உறிஞ்சப்பட்டு வெளியே எடுக்கப்படும். மேலும் நுரையீரலின் செயல்பாட்டை இந்த கருவி ஊக்கப்படுத்துவதால் சுவாசம் சீராகும். இந்த சிகிச்சைக்குப் பின் டிசம்பர் 23 ஆம் தேதி வீடு திரும்பினார் கருணாநிதி.

அவரது வீட்டிலேயே மருத்துவர்கள் வந்து சிகிச்சை அளித்துக் கொண்டிருந்தனர். இந்நிலையில் கருணாநிதி உணவு எடுத்துக் கொள்வதிலும் பிரச்னை ஏற்பட்டதால், அவரது வயிற்றின் வலது மேற்பகுதியில் துளையிட்டு PEG (Percutaneous Endoscopic Gastrostomy) என்ற செயல்முறைப்படி குழாய் பொருத்தப்பட்டது. இதற்கு ’தோல்வழி இரைப்பை துளைப்புக் குழாய்’ என்று பெயர்.

அவ்வப்போது அவரை சந்திக்கச் செல்லும் தலைவர்களை பெயர் சொல்லி அழைக்க முயல்வது, புன்னகைப்பது என்று கருணாநிதியின் ரெஸ்பான்ஸ் நல்ல நிலையில் இருந்தது. இடையிடையே பேரன்களோடு விளையாடுவது என்று ரியாக்‌ஷன்களோடுதான் இருந்தார் கருணாநிதி.

கைகளைப் பற்றிக் கொள்ளும் உணர்வு!

தனக்கு நெருக்கமான சிலர் தன்னை சந்திக்க வரும்போது அவர்களது கையை இறுகப் பற்றிக் கொள்வார் கருணாநிதி. அது அவருக்கு ஒரு பாதுகாப்பான உணர்வைக் கொடுத்தது என்றார்கள் மருத்துவர்கள்.

இப்படியாக காவேரி மருத்துவமனைக்கு சில முறை சென்று உடனடியாக வீடு திரும்பியதை தவிர தனது கோபாலபுரம் இல்லத்தில்தான் மருத்துவமனை போன்ற தகவமைப்பில் சிகிச்சைகள் பெற்றார். மருத்துவர் குழுவினர் தினமும் கருணாநிதியை வந்து சந்தித்து செக்கப் செய்து கொண்டிருந்தனர்.

சில நாட்களுக்கு முன்பு நாற்காலியில் உட்கார்ந்துகொள்ள இயலாமல் மெல்ல மெல்ல படுத்துக் கொண்டே இருக்க ஆரம்பித்தார் கருணாநிதி.

கருணாநிதியின் இதயம்; வியந்த லண்டன் டாக்டர்கள்!

கடந்த ஜூலை 18 ஆம் தேதி ஸ்டாலின் லண்டனில் இருந்து திரும்பி வந்த நிலையில் கருணாநிதி காவேரி மருத்துவமனைக்கு அழைத்துச் செல்லப்பட்டார். டிரக்கியோஸ்டோமி குழாயை மாற்றி புதிய குழாய் பொருத்தும் எளிய சிகிச்சைக்காகத்தான் அன்று மருத்துவமனை சென்றுவந்தார் கருணாநிதி.

அன்றைக்கு வீட்டுக்கு வந்த சில மணி நேரங்களில் கருணாநிதிக்கு காய்ச்சல் ஏற்பட்டிருக்கிறது. மருத்துவர்கள் வீட்டுக்கு வந்து பார்த்தனர். சிறுநீர் தொற்று ஏற்பட்டிருப்பதும் அதனால் காய்ச்சல் வந்திருப்பதும் தெரிந்தது. அதற்குரிய சிகிச்சைகள் அளித்தனர்.

ஆனாலும் முதுமை காரணமாக அந்த சிகிச்சைகளை முழுமையாக ஏற்றுக் கொள்ளும் நிலையில் உடல் நிலை இல்லை. கண்களை மூடித் திறக்கவே சிரமப்பட்டிருக்கிறார். கண்களை பல நேரங்கள் மூடிய நிலையிலேயே இருந்திருக்கிறார். அவரது நினைவு கொஞ்சம் கொஞ்சமாக குறைந்துகொண்டிருந்தது. இதுபற்றி லண்டனில் இருந்த நிபுணர்களுக்கு காவேரி மருத்துவமனையில் இருந்து கருணாநிதியின் உடல் நிலை பற்றி மருத்துவ ஆவணங்களைக் காட்டி கருத்து கேட்கப்பட்டது. அப்போது 95 வயதிலும் கருணாநிதியின் இதயம் சீராக இயங்கிக் கொண்டிருப்பதை ஆச்சரியத்தோடு குறிப்பிட்டு வியந்திருக்கிறார்கள் லண்டன் டாக்டர்கள்.

வீடா, மருத்துவமனையா?

இந்த நிலையில் ஸ்டாலின் சென்னை திரும்பியதும் கருணாநிதியை மருத்துவமனையில் வைத்து சிகிச்சை அளிக்கலாமா, அல்லது வீட்டிலேயே வைத்து சிகிச்சை அளிக்கலாமா என்று குடும்பத்துக்குள் ஆலோசனைகள் நடந்திருக்கின்றன. ஸ்டாலின் அனைவரையும் வரச் சொல்லியிருக்கிறார். செல்வி, அழகிரி, தமிழரசு, கனிமொழி, செல்வம், கலாநிதிமாறன் உள்ளிட்ட அனைவரையும் வரச் சொல்லிப் பேசியிருக்கிறார்.

மருத்துவமனையில் வைத்து சிகிச்சை அளிக்கவில்லை என்று நாளைக்கு யாரும் தன் மீது குற்றம் சொல்லிவிடக் கூடும் என்பதாலும் அது தன்னை அரசியல் ரீதியாக பாதிக்கவும் செய்யும் என்பதாலும் ஸ்டாலின் குடும்பத்தில் அனைவரோடும் விவாதித்தார். அப்போது கட்சி ரீதியாக துரைமுருகனையும், டி.ஆர்.பாலுவையும் வரச் சொல்லியிருக்கிறார் ஸ்டாலின். அவர்களும் வந்தனர். அப்போது அழகிரி, ‘இது எங்க குடும்ப பிரச்னை. எங்க அப்பாவுக்கு எப்படி ட்ரீட்மெண்ட் கொடுக்கப் போறோம்னு பேசுற இடத்துல நீங்க எதுக்கு?’’ என்று கேட்க, துரைமுருகனும், டி.ஆர்.பாலுவும் எழுந்து வந்துவிட்டனர்.

கருணாநிதியை மருத்துவமனைக்கு இணையான வசதிகளோடு வீட்டிலேயே வைத்து பராமரிக்கலாம் என்று குடும்ப உறுப்பினர்கள் அனைவரும் எழுதிக் கையெழுத்து போட்டிருக்கிறார்கள். அதன்படிதான் கருணாநிதிக்கு தொடர்ந்து வீட்டிலேயே சிகிச்சை அளிக்கப்பட்டு வருகிறது.

கருணாநிதியின் அக்காவான சண்முகத்தம்மாள் 95 வயதில் இருந்து 99 வரை செல்வத்தின் வீட்டிலேயே சிகிச்சை எடுத்து வந்ததையும் குறிப்பிடுகிறார்கள் கோபாலபுரம் குடும்பத்தினர்.

சிறுநீர் தொற்றும் சிகிச்சையும்!

ஜுலை 25 ஆம் தேதி கருணாநிதியின் இரத்த அழுத்தம் திடீரென குறைந்திருக்கிறது. பதற்றமான டாக்டர்கள் தொடர்ந்து கண்காணிக்க சில நிமிடங்களில் ரத்த அழுத்தம் இயல்புக்கு வந்துவிட்டது வெண்டிலேட்டர் வைக்கலாமா என்று மருத்துவர்கள் அன்று ஆலோசித்தார்கள். ஆனால் மூச்சு விடுவது இயல்பாக இருந்ததால் வெண்டிலேட்டர் வேண்டாம் என்ற முடிவுக்கும் மருத்துவர்கள் அன்று வந்தார்கள். காய்ச்சல், சிறு நீர் தொற்று ஆகியவற்றுக்கான சிகிச்சைகளைத் தொடர்கிறார்கள்.

95 வயதான உடல் என்பதாலும், கடந்த ஒன்றரை வருடங்களாக மருந்து, மாத்திரை என்று சிகிச்சைக்கு உட்பட்டதாலும் சிறுநீர்த் தொற்றுக்கான ஆன்டி பயோடிக் மருந்துகளை கருணாநிதியின் உடல் முழு அளவில் ஏற்றுக் கொள்ளவில்லை என்று தெரிகிறது.

மினரல்கள் பற்றாக்குறை

மூளையின் இரு பக்கங்களும் சிறப்பாகச் செயல்படும் ஓர் மனிதர் கருணாநிதி மட்டும்தான் என்று பிரபல நரம்பியல் நிபுணரான ராமமூர்த்தி வியப்புடன் ஒரு முறை தெரிவித்திருக்கிறார்.

“ஆளும் திறமை என்பது இடது மூளை தொடர்பானது. அதேசமயம் காவியமும் கற்பனையும் வலது மூளை தொடர்பானது. பரவலாக மனிதனுக்கு இரண்டில் ஒன்றுதான் மேன்மையாக இருக்கும்.ஆனால் இரண்டும் மேன்மையாகச் செயல்படுவது என்பது கருணாநிதி ஒருவருக்குத்தான்’’ என்று நரம்பியல் நிபுணர் ராமமூர்த்தி பாராட்டியிருந்தார்.

அப்படிப்பட்ட புகழை உடைய கருணாநிதியின் மூளை தற்போது கொஞ்சம் கொஞ்சமாக செயற்பாட்டைக் குறைத்துக் கொண்டிருப்பதுதான் தற்போதைய உடல் நிலையின் முக்கியக் கூறாக இருக்கிறது.

இயல்பாக மனித உடலில் ஒரு லிட்டர் ரத்தத்தில் 3.5 முதல் 5 மில்லிமோல் அளவு பொட்டாசியம், மக்னீசியம் ஆகிய மினரல்கள் இருக்க வேண்டும். இந்த மினரல்கள் மூன்று முக்கியப் பணிகளைச் செய்கின்றன.

1. மூளைச் செல்களை செயல்பட வைத்தல்,

2. இதயம் உள்ளிட்ட தசைகளை இயக்குதல்

3. சிறுநீரகத்தை செயல்பட வைத்தல்.

பொதுவாக பொட்டாசியம், மக்னீசியம் ஆகிய மினரல்களின் அளவு குறைந்தால் பொட்டாசியத்துக்கு முன்பே மக்னீசியத்தை உடலில் ஏற்றி அதை சரி செய்ய முயல்வார்கள்.

பொட்டாசியத்தின் அளவு குறையத் தொடங்க அது ரத்த அழுத்தத்தை பாதிக்கும். ஏனெனில் பொட்டாசியம்தான் ரத்த அழுத்தத்தையும், இதயத்தின் சீரான இயக்கத்தையும் நிர்ணயிக்கிறது. வயது முதிர்ந்தவர்களுக்கு பொட்டாசியம் மினரல் இழப்பு என்பது தலைவலி, சோர்வு, மூச்சுத் திணறல், பார்வைத் திறன் குறைவு ஆகியவற்றை ஏற்படுத்தும். மேலும் பொட்டாசிய மினரல் குறைவானது சிறுநீரகத்தின் செயல்பாட்டையும் மெல்ல மெல்ல பாதிக்கத் தொடங்கும்.

கருணாநிதியின் ரத்தத்தில் பொட்டாசியம், மக்னீசியம் மினரல்களின் தாதுக்கள் கொஞ்சம் கொஞ்சமாக குறைந்துகொண்டிருக்கின்றன என்றும், அதை மருத்துவ ரீதியாக பேலன்ஸ் செய்ய சிகிச்சைகள் நடந்துகொண்டிருக்கின்றன என்றும் சிகிச்சை அளிக்கும் காவேரி மருத்துவமனை டாக்டர்கள் தெரிவிக்கிறார்கள்.

ஆனாலும் 95 வயது ஆகிவிட்ட முதிய உடல் என்பதால் இந்த மினரல்களை சரி செய்யும் சிகிச்சைகளை உடல் முழு அளவுக்கு ஏற்பதிலும் சிரமங்கள் இருக்கிறது என்பதே மருத்துவர்களின் கருத்தாக இருக்கிறது.

தொடரும் போராட்டம்

சிறுவனாக இருக்கும்போதே போராட்டத்தைத் தொடங்கியவர் கலைஞர். கால்சட்டைப் பருவத்தில் 14 வயதில் இந்தி எதிர்ப்புக் களத்தில் திருவாரூர் வீதிகளில் இறங்கிப் போராடியவர். அரசியல் களத்தில் எதிரிகளால் நேரடியாகவே தாக்கப்பட்டு உயிர் பிழைத்தவர். கொள்கை ரீதியாக எதிரிகளால் தினம் தினம் தாக்கப்பட்டவர். அவற்றை எல்லாம் தனது போராட்டத் திறத்தால் வென்று முடித்து வரலாற்றுச் சாதனைகளை படைத்தவர் கருணாநிதி.

இன்றும் அவரது இதயம் பல்வேறு உலக நிபுணர்களையும் வியக்க வைத்து துடித்துக் கொண்டிருக்கிறது. நரம்பியல் நிபுணர்களால் பாராட்டப் பட்ட கருணாநிதியின் மூளை இயற்கையோடு தனது போராட்டத்தை தொடர்ந்துகொண்டிருக்கிறது.

போராட்டமே உந்தன் பெயர் கருணாநிதியோ?

- நன்றி  மின்னம்பலம்

ஆடி வெள்ளியில் தோன்றவுள்ள முழு சந்திர கிரகணம்

இந்த நூற்றாண்டின் மிக நீண்ட ரத்த சிவப்பு நிலா வரும் வெள்ளிக்கிழமை (ஜூலை 27ஆம் தேதியன்று) வானில் தோன்றுகிறது. ஏற்கனவே கடந்த ஜனவரி மாதம் 31-ஆம் தேதி ஒருமுறை பிளட் மூன் வந்து போனது. 

தோன்றவுள்ள இந்த முழு சந்திர கிரகண நாளில் பூராடம், உத்திராடம், திருவோணம், அவிட்டம், கிருத்திகை, ரோகிணி, உத்திரம், ஹஸ்தம், நட்சத்திரங்களில் பிறந்தவர்கள் பரிகாரம் செய்வது நல்லது என ஜோதிடர்கள் அறிவுறுத்தி வருகின்றனர். மேலும் சந்திர கிரகணம் முடிந்த பின்னர் ரிஷபம், சிம்மன், கன்னி, மகரம்,  கும்பம், ஆகிய ராசிகளில் பிறந்தவர்களும் பரிகாரம் செய்து கொள்ள வேண்டும்

வருகின்ற ஜூலை 27 ஆம் தேதி ஆடி வெள்ளிக்கிழமையன்று வானில் தோன்ற உள்ள பிளட் மூன் மிக நீண்ட நேரம் காட்சியளிக்கும். இந்த ஆண்டிலேயே ரத்தச்  சிவப்பு நிலா தோன்றப்போவது இது இரண்டாவது முறையாகும். கடந்த ஜனவரி மாதம் 31 ஆம் தேதி ஒருமுறை பிளட் மூன் வந்து போனது. அன்று வரும்  சூப்பர்மூன் தான் இந்த நூற்றாண்டில் மிக அதிக நேரம் வானில் தோன்றும் ப்ளட் மூன் என்னும் சிறப்புக்குரியது. இதற்கு முன்பு வந்தது 58 நிமிடங்கள் 58  நொடிகள் வானில் இருந்தது. ஆனால் இப்போது வரப்போகும் சூப்பர் மூன் அதிக நேரம் வரை வானில் இருக்கும். 

வானிலே சிவப்பு நிலா ரத்த சிவப்பு நிறத்தில் தோன்றவுள்ள இந்த சந்திர கிரகணம் ஜூலை 27ஆம் தேதியன்று சூரிய அஸ்தமன நேரத்துக்கும் நள்ளிரவுக்கும் இடைப்பட்ட நேரத்தில் சந்திர கிரகணம் தெரிய வாய்ப்பு உள்ளது. இந்த கிரகணம் இந்தியாவில் நன்றாக தெரியும் என்பதால் அனைவரும் பார்க்கலாம்.

இந்த சந்திர கிரகணம் தினத்தில் உடல்நலம், மனநலம் பாதிக்கப்பட்டவர்கள் பார்க்கக் கூடாது என்று ஜோதிடர்கள் அறிவுறுத்தியுள்ளனர். முழு சந்திர கிரகணம்  இரவு 11.53 க்கு தொடங்கும் கிரஹணம் நள்ளிரவு 12.59க்கு முழு கிரகணமாக வானில் நீடிக்கிறது. முழு கிரஹண மத்தி ஜூலை 28ஆம் தேதி நள்ளிரவு 1.51 வரை  நீடிக்கிறது. நள்ளிரவு 2.43க்கு முழு சந்திர கிரகணம் முடிவடைகிறது. இது இந்த நூற்றாண்டின் மிக நீண்ட முழு சந்திர கிரகணம் என வானியல் ஆய்வாளர்கள்  தெரிவிக்கின்றனர்.

கிரகணம் முடிந்த பின் குளிக்கவும் வழக்கத்தை விடவும் அதிக நேரம் இந்த முறை சந்திர கிரகணம் இருக்கும் என்பதனால், இது மற்ற கிரகங்களுக்கும் சில பாதிப்புகள் ஏற்படும். பொதுவாக சந்திர கிரகணம் மற்ற கிரகங்களைப் பாதிக்கும் என்பதால் இயல்பாகவே அதன் பாதிப்பு நமக்கும் இருக்கும். அதிலும் சில  குறிப்பிட்ட ராசிகளை சந்திர கிரகணம் பாதிக்கும். அதனால் தான் பொதுவாக சந்திர கிரகணம் முடிந்தவுடன் எல்லோரும் தலைக்கு குளித்துப் பின், சாப்பிட  வேண்டும் என்பது வழக்கத்தில் உள்ளது.

திருப்பூரில் யூடியூப் உதவியுடன் பிரசவம் பார்த்த பெண் மரணம் கணவர் மீது வழக்கு பதிவு

July 26, 2018 தண்டோரா குழு

திருப்பூர் அருகே யூ டியூப் உதவியுடன் பிரசவம் பார்த்ததில் பெண் ஒருவர் பரிதாபமாக உயிரிழந்தார். இந்த விவகாரத்தில் அப்பெண்ணின் கணவர் மீது காவல் துறையினர் வழக்கு பதிவு செய்துள்ளனர்.

திருப்பூர் மாவட்டம் காங்கயம் புதுப்பாளையம் பகுதியைச் சேர்ந்தவர்கள் கார்த்திகேயன்-கிருத்திகா தம்பதியினர். கிருத்திகா அங்குள்ள தனியார் பள்ளியில் ஆசிரியராக பணிபுரிந்து வருகிறார். கார்த்திகேயன், பனியன் கம்பெனியில் பணியாற்றி வருகிறார். இவர்களுக்கு ஏற்கனவே 5வயதில் ஹிமானி என்ற பெண் குழந்தை உள்ளது.இதற்கிடையில், கிருத்திகா மீண்டும் கருவுற்றிருக்கிறார்.
இவர்களுக்கு இயற்கை மருத்துவத்தில் அதிக ஆர்வம் இருந்துள்ளது.

இந்நிலையல் கிருந்திகா இரண்டாவது முறையாக கர்ப்பம் அடைந்த நிலையில் இயற்கை முறையில் யூ டியூப் உதவியுடன் பிரசவம் செய்வதற்கு தயாராகி உள்ளனர்.இதற்காக யூ டியூப் மூலம் வீட்டிலேயே இயற்கை முறையில் பிரசவம் செய்து கொள்வது எப்படி என்பது குறித்து ஆர்வமுடன் பல்வேறு வீடியோக்களை பார்த்து வந்துள்ளனர். கடந்த 22ஆம் தேதி கிருத்திகாவிற்கு பிரசவ வலி ஏற்பட்டுள்ளது.இதையடுத்து கணவர் கார்த்திகேயன் அவரது தாய் காந்திமதி மற்றும் கார்த்திகேயனின் நண்பர் பிரவீன் அவரது மனைவி லாவண்யா ஆகியோர் சேர்ந்து கிருத்திகாவிற்கு பிரசவம் பார்த்துள்ளனர்.

அப்போது கிருத்திகாவுக்கு பெண் குழந்தை பிறந்தது. ஆனால் நஞ்சுக்கொடி வெளிவராததால், கிருத்திகா மயக்கமடைந்தார். இதையடுத்து கிருத்திகாவின் குடும்பத்தினர், 108 ஆம்புலன்ஸ்க்கு போன் செய்து சிகிச்சைக்காக அரசு மருத்துவமனை கொண்டு சென்றனர். எனினும், ஆபத்தான நிலையில் கிருத்திகா இருந்ததால், சிகிச்சை பலனின்றி பரிதாபமாக உயிரிழந்தார்.

இதற்கிடையில்,தனது மகளின் மரணத்தில் சந்தேகம் உள்ளதாக சுப்பிரமணியன் நல்லூர் காவல்நிலையத்தில் புகார் அளித்துள்ளார். இதையடுத்து,இந்த விவகாரத்தில் கிருத்திகாவின் கணவர் கார்த்திகேயன், நண்பர் பிரவீன் மற்றும் அவரது மனைவி லாவண்யா ஆகியோர் மீது போலீசார் வழக்குப்பதிவு செய்து அவர்கள் மூவரிடமும் விசாரணை மேற்கொண்டு வருகின்றனர். மேலும், இவ்விவகாரத்தில் சுகாதாரத்துறை இணை இயக்குநர் விசாரணைக்கு சுகாதாரத்துறை உத்தரவிட்டுள்ளது.

மனைவிக்கு சிலை வைத்த கணவன் .. தமிழ் நாட்டிலும் ஒரு தாஜ்மஹால்

கருத்து வேறுபாடு, ஒற்றுமையின்மை, காதைக் கிழிக்கிற சண்டைகள் நாட்டில் கணவன்-மனைவியிடையே ஏராளம். அதில் யாருக்கு வெற்றி தோல்வி என்பதெல்லாம் கிடையாது. ஒரே இலக்கு சண்டை மட்டும்தான். இந்த சண்டைகள்தான் அன்பை கொஞ்சம் கொஞ்சமாக சுரண்டி தேய்த்து எடுத்து விடுகின்றன. இன்னும் சொல்லப்போனால் அலுவலகங்களில் நண்பர்களிடத்தில் இருக்கும் புரிதலும் நிம்மதியும் கூட வீட்டுக்குள் பலருக்கு கிடைப்பதில்லை. மனைவியின் மீதான பாசம் என்பதும், கணவனின் மீதான பாசம் ஓரிரு நாளிலோ, ஓரிரு மாதங்களிலோ வராது. அது நாளடைவில்தான் தோன்றி வளரும். இருவருக்குமிடையேயான அணுகுமுறை, குடும்ப சிக்கல்களை பார்க்கும் பார்வை, தன்மீது கொண்டிருக்கும் அக்கறை, தன்னை சார்ந்த உற்றார் உறவினர்கள் மீதான அக்கறையும், கரிசனமும் போன்றவைதான் கணவன்-மனைவி பாசத்தை தீர்மானிக்கும். அப்போது கணவன்-மனைவிக்கு இடையேயான காதலானது காலப்போக்கில் பக்குவமடைந்து முழுமைபெற்ற பிறகு உருவாகி வளர்வதுதான் பாசம். இந்த பாசம் 80 அல்லது 90 வயதை கடந்தாலும் கூட கணவன்-மனைவி இருவரையும் கட்டிப் போடும் சக்தி கொண்டது. அப்படிப்பட்ட மனைவியின் மீதான பாசத்தையும் அன்பையும் இறுதிவரை அள்ளி கொடுத்த கணவன்கள் ஏராளம். அதில் ஒருவர்தான் ஆசைத்தம்பி. அவரை பற்றிய சம்பவம்தான் இது.

செங்கல்பட்டு பகுதியில் உள்ள மாமண்டூர் என்னும் இடத்தில் வசித்து வருகிறார். இவர் கடந்த 1977-ம் ஆண்டு தனது மாமா பெண்ணையே கல்யாணம் செய்து கொண்டார். அவரது பெயர் பெரியபிராட்டிஅம்மாள். இவர்களுக்கு இரண்டு பெண்குழந்தைகளும் பிறந்தனர். திருமணமாகி சில நாட்களில் சரியான வேலை எதுவும் ஆசைத்தம்பிக்கு இல்லை என்பதால், வேலை தேடி சென்னை சென்றனர். அங்கு ஒரு மளிகை நடத்தினர். கடுமையாக உழைத்ததால் அதிக லாபம் சம்பாதித்த ஆசைத்தம்பி தனது ஊரில் ஒரு வீட்டையும் வாங்கினார். மளிகை கடையின் வளர்ச்சிக்கு பெரியபிராட்டி அம்மாள்தான் துணையாக இருந்தார். எப்போதாவது ஏதாவது இடர்பாடுகள், தோல்விகள், வருத்தங்கள், ஏமாற்றங்கள் ஏற்படும்போதெல்லாம் ஆசைத்தம்பிக்கு பக்கபலமாக இருந்துள்ளார்.

மனைவியின் அன்பும், ஆலோசனையும், நம்பிக்கை வார்த்தைகளும் ஆசைத்தம்பிக்கு நிறைய சமயங்களில் பலமாக இருந்துள்ளன. இந்நிலையில் சிறிது காலத்திற்கு முன்னர் பெரியபிராட்டி அம்மாளை புற்றுநோய் தாக்கியது. இதனை கொஞ்சமும் எதிர்பார்க்காத ஆசைத்தம்பி இடிந்துபோனார்.

ஆனால் படுக்கையிலும் மனைவி கணவனை அழைத்து, "எப்பவும் நான் உங்களுடன்தான் இருப்பேன். ஏன் பயப்படுகிறீர்கள்?" என்றார். அப்படி அவர் சொன்னாலும் காலன் விட்டுவைக்கவில்லை. சிறிது நாளிலேயே பெரியபிராட்டியை கூடவே கூட்டிக் கொண்டு போய்விட்டான்.

கதறி அழுதார் ஆசைத்தம்பி. தனிமையில், வெறுமையில் மனைவியை நினைத்து தவித்தார். மனைவி மரணமடைந்து 16-நாள் காரியம் நடத்த முடிவானது. அப்போது தனது மனைவிக்கு ஒரு சிலை செய்ய வேண்டும் என்று விரும்பினார் ஆசைத்தம்பி. அதற்காக ஒரு சிற்பியை வரவழைத்து அதற்கான வேலையையும் தொடங்கினார். பெரியபிராட்டி அம்மாளின் சிலை தயாரானது. மனைவியின் சிலை கண்டு பூரித்து போனார் ஆசைத்தம்பி. அந்த சிலையை தான் மட்டும் காணாமல், அதற்கு திறப்பு விழா ஒன்றிற்கு ஏற்பாடு ஊரையே வரவழைத்தார். தினந்தோறும் மனைவியின் சிலையிடம் ஒரு மணிநேரமாவது பேசிக் கொண்டிருக்கிறாராம் ஆசைத்தம்பி. சிலருக்கு இது பைத்தியக்காரத்தனமாகவும், தேவையில்லாததாக தோன்றும். சிலருக்கு இது உணர்வுபூர்வமாக தெரியும். எப்படிப்பார்த்தாலும் அதில் தென்படுவது பாசம்தான். அது ஷாஜகான் கட்டிய தாஜ்மஹால் ஆகட்டும், ஆசைத்தம்பி வடித்து வைத்த சிலையாகட்டும்.. எல்லாமே அன்புதான்.

தற்காலிக செவிலியர்களுக்கு ஊதிய உயர்வு

தற்காலிக செவிலியர்களுக்கு ஊதிய உயர்வு

💉 தற்காலிக அரசு செவிலியர்களுக்கான ஊதிய உயர்வு ₨7,700- லிருந்து ₨14 ஆயிரமாக உயர்வு

💊 ஊதியத்தை உயர்த்தி வழங்க முதல்வர் ஆணையிட்டுள்ளார் - சுகாதார அமைச்சர் விஜயபாஸ்கர்

💉 2018-ம் ஆண்டு ஏப்ரல் 1 முதல் ஊதிய உயர்வு முன் தேதியிட்டு வழங்கப்படும் – விஜயபாஸ்கர்

💊 தற்காலிக அரசு செவிலியர்களுக்கு ஆண்டுதோறும் ₨500 ஊதிய உயர்வும் அளிக்கப்படும் – அமைச்சர்

💉 ஊதிய உயர்வுடன் இ.எஸ்.ஐ., பி.எஃப் திட்டங்களுக்கான தொகையும் செலுத்தப்படும் – அமைச்சர்

💉 ஊதிய உயர்வு மூலம் தொகுப்பூதியம் பெறும் 12,000 செவிலியர்கள் பயனடைவார்கள் – அமைச்சர்

சபாநாயகர் நடவடிக்கை தவறானது; அதிகாரத்தை மீறியுள்ளதாக எம்.எல்.ஏ.,க்கள் தரப்பு வழக்கறிஞர்கள் வாதம்

18 எம்.எல்.ஏ.,க்கள் தகுதி நீக்க வழக்கில் இன்று 3வது நாள் விசாரணை நடந்தது. சபாநாயகர் தனபால் தனது அதிகாரத்தை மீறியுள்ளார் என எம்.எல்.ஏ.,க்கள் தரப்பு வழக்கறிஞர்கள் வாதிட்டுள்ளனர்.

தமிழக முதல்வர் எடப்பாடி பழனிசாமிக்கு எதிராக ஆளுநரிடம் மனு கொடுத்த டி.டி.வி.தினகரன் ஆதரவு எம்.எல்.ஏ.க்கள் 18 பேரை தகுதி நீக்கம் செய்து சபாநாயகர் தனபால் கடந்த 2017-ம் ஆண்டு செப்டம்பர் 18-ம் தேதி உத்தரவிட்டார். இதை எதிர்த்து தொடரப்பட்ட வழக்கை விசாரித்த தலைமை நீதிபதி இந்திரா பானர்ஜி, நீதிபதி எம்.சுந்தர் ஆகியோர் வேறு வேறு தீர்ப்பை வழங்கினர்.

இதனால் இந்த வழக்கு 3வது நீதிபதி விசாரணைக்கு பரிந்துரைக்கப்பட்டதையடுத்து, இந்த வழக்கில் 3வது நீதிபதியாக மூத்த நீதிபதி எம்.சத்யநாராயணன் நியமிக்கப்பட்டார்.

தற்போது அவர் இந்த வழக்கை விசாரணை செய்து வருகிறார். இதில், முதல் இரண்டு நாட்கள் விசாரணை நடந்து முடிந்த நிலையில் , இன்று 3வது நாள் விசாரணை நடந்தது.

அப்போது சபாநாயகர் தரப்பு வழக்கறிஞர்கள் வாதிடுகையில், முதல்வரை எதிர்ப்பது என்பது அரசை எதிர்ப்பது போன்றதுதான். ஆட்சி கலைக்கும் அதிகாரம் உள்ள ஆளுநரை சந்தித்தது ஆட்சியை கலைக்கும் முயற்சிதான் என்று வாதிட்டனர்.

இதுகுறித்து எம்.எல்.ஏ.,க்கள் தரப்பு வழக்கறிஞர்கள் கூறுகையில், சபாநாயகர் தனபால் தனது அதிகாரத்தை மீறியுள்ளார். எனவே, அவர் எடுத்த நடவடிக்கை தவறானது என்று தெரிவித்துள்ளனர்.

ஜெயலலிதாவின் மகள் நான் தான் என்ற வழக்கில், ஜெயலலிதா நிறைமாத கர்ப்பிணியாக என்பதற்கு ஆதாரமான வீடியோவை காட்டிய வழக்கறிஞர்

ஜெயலலிதாவின் மகள் நான் தான் என்ற வழக்கில், ஜெயலலிதா நிறைமாத கர்ப்பிணியாக என்பதற்கு ஆதாரமான வீடியோவை காட்டிய வழக்கறிஞர்

மறைந்த முதல் அமைச்சர் ஜெயலலிதாவின் மகள் என்று கூறி, சென்னை உயர்நீதிமன்றத்தில் பெங்களூருவை சேர்ந்த அம்ருதா என்ற பெண் ஒரு வழக்கு தொடர்ந்தார்.

அதில், ஜெயலலிதாவின் மகள் என்பதை நிரூபிக்க மரபணு சோதனைக்கு உத்தரவிட வேண்டும் என்றும் பல கோரிக்கை விடுத்திருந்தார்.

இந்த வழக்கை நீதிபதி எஸ்.வைத்தியநாதன் விசாரித்து வருகிறார். இந்த வழக்கு நேற்று விசாரணைக்கு வந்தபோது, அம்ருதாவின் வழக்கறிஞர் பிரகாஷ், சைலஜாவுக்கும், சாரதி என்பவருக்கும் திருமணம் நடந்தது.

அந்த தம்பதிகளுக்கு குழந்தை இல்லாததால், தனக்கு பிறந்த குழந்தையை, அவர்களது குழந்தையாக வளர்க்கும்படி ஜெயலலிதா ஒப்படைத்துள்ளார். அதேநேரம், இந்த உண்மையை சைலஜா சாகும்வரை அம்ருதாவிடம் சொல்லவில்லை என்று கூறினார்.

கடந்த ஆண்டு சாரதி இறப்பதற்கு முன் அம்ருதாவிடம் ஜெயலலிதாதான் உன் அம்மா என்று கூறியுள்ளார். எனவே, ஜெயலலிதாதான் மனுதாரரின் தாய் என்பதை நிரூபிக்க டிஎன்ஏ சோதனையால்தான் முடியும் என்று அம்ருதாவின் வழக்கறிஞர் வாதிட்டுள்ளார்.

இந்த வாதங்களுக்கு பதிலளித்த அட்வகேட் ஜெனரல் விஜய் நாராயண், வாதிடும்பொழுது  ஜெயலலிதாவின் சொத்துக்களை குறி வைத்தே இந்த வழக்கு தொடரப்பட்டுள்ளது. இதில் கூட்டுச்சதி உள்ளது. 1980 ஆகஸ்ட் 14ல் அம்ருதா பிறந்துள்ளார்.

ஆனால், அவர் பிறப்பதற்கு ஒரு மாதத்திற்கு முன் சென்னையில் நடந்த பிலிம்பேர் விழாவில் ஜெயலலிதா கலந்துகொண்டுள்ளார். நிறைமாத கர்ப்பிணியாக அவர் எப்படி அந்த நிகழ்ச்சியில் கலந்துகொள்ள முடியும் என கேள்வி எழுப்பினார். 

மேலும் அந்த நிகழ்ச்சியின் வீடியோவைப் பாருங்கள் என (1980 ஜூலை 6ம் தேதி நடந்த 27வது பிலிம்பேர் விழா நிகழ்ச்சியை யு டியூப்பில் டவுன்லோடு செய்ததை நீதிபதியிடம் காட்டினார்).

வீடியோவில் ஜெயலலிதா நிறைமாத கர்ப்பிணியாக இல்லை. எனவே, ஏதோ ஒரு காரணத்திற்காக இந்த வழக்கு தொடர்ந்து நாடகத்தை அரங்கேற்றியுள்ளனர் என வாதாடியுள்ளார்.

இரண்டு தரப்பினரின் வாதங்களை கேட்டுக்கொண்ட நீதிபதி, இது சினிமா படம் பார்ப்பது போல் உள்ளது, மேலும் இந்த வழக்கை அடுத்த வாரத்திற்கு ஒத்தி வைக்கிறேன் என நீதிபதி உத்தரவிட்டுள்ளார்.

வீட்டுக்கு தேவையான அனைத்து பொருட்களுக்கும் அதிரடி விலை குறைப்பு!!!

சரக்கு மற்றும் சேவை வரி யில் உச்சபட்ச வரிவிகிதம் 28 சதவீ தமாகும். கடந்த ஆண்டு ஜூலை 1-ம் தேதி அறிமுகம் செய்யப்பட்ட போது 226 பொருட்கள் 28 சதவீத வரி விதிப்பில் இருந்தன. கடந்த ஓர் ஆண்டில் 191 பொருட்கள் உச்சபட்ச வரி வரம்பில் இருந்து குறைக்கப்பட்டிருக்கின்றன.வரும் 27-ம் தேதி முதல் 35 பொருட்கள் மட்டுமே உச்சபட்ச வரி பிரிவில் இருக்கும். சிமென்ட், ஆட்டோமொபைல் உதிரி பாகங் கள், டயர், மோட்டார் வாகனங் கள், ஏசி, டிஜிட்டல் கேமரா, காற்றடைக்கப்பட்ட குளிர்பானங் கள், புகையிலை, சிகரெட் மற்றும் பான் மசாலா உள்ளிட்ட சில பொருட்கள் மட்டுமே 28 சதவீத வரம்பில் இருக்கும்.ஜூலை 21-ம் தேதி நடந்த ஜிஎஸ்டி கவுன்சில் கூட்டத்தில் 15 பொருட்களை உச்சபட்ச வரி வரம்பில் இருந்து ஜிஎஸ்டி கவுன்சில் குறைத்தது. வாஷிங் மெஷின், 68 சென்டிமீட்டர் வரை யிலான டிவி, குளிர்சாதன பெட்டி, பெயின்ட் உள்ளிட்ட பொருட்கள் 28 சதவீதத்தில் இருந்து நீக்கப்பட்டன. தற்போது 35 பொருட்கள் மட்டுமே 28 சதவீத வரியில் உள்ளன.
இதனால் ரூ.6,000 கோடி அள வுக்கு வரி இழப்பு ஏற்படும் வாய்ப்பு இருக்கிறது. வரி விகி தம் குறைக்கப்பட்டிருப்பதால், நுகர்வு உயர்ந்து இழப்பு சரியாகும் என எதிர்பார்ப்பதாக நிதி அமைச்சக அதிகாரி ஒருவர் கூறினார்.'சானிட்டரி நாப்கின்களுக்கு 12 சதவீதம் வரிவிதிக்கப்பட்டு வந்த நிலையில் அதற்கு வரிவிலக்கு அளிக்கப்படுகிறது.மேலும், புனித ஸ்தலங்களுக்காக செய்யப்படும் மார்பில், மரங்கள், கற்கள், எந்தவிதமான விலைஉயர்ந்த கற்கள் இல்லாமல் செய்யப்படும் ராக்கி கயிறு, வீடு கூட்டும் துடைப்பத்துக்கான மூலப்பொருட்கள், முக்கியமான நினைவு நாளில் ரிசர்வ் வங்கி வெளியிடும் காசுகள், இலையால் உருவாக்கப்படும் தட்டுகள், செறிவூட்டப்பட்ட பால் ஆகியவற்றுக்கு வரிவிலக்கு அளிக்கப்படுகிறது.லித்தியம் அயன் பேட்டரி, வாக்கூம் கிளீனர், உணவு கலக்கும் மிக்ஸர், கிரைண்டர், முகச்சவரம் செய்யும் சேவிங் மெஷின், ஹேர் கிளிப்பர், வாட்டர் ஹீட்டர், அயர்ன் பாக்ஸ், வாட்டர் கூலர், ஐஸ் கிரீம் ப்ரீசர், டிரையர், அழகுசாதனப் பொருட்கள், பெர்பியூம்கள், சென்ட், பெயின்ட், வார்னிஷ் ஆகியவற்றுக்கு விதிக்கப்பட்ட 28 சதவீத வரி 18 சதவீதமாகக் குறைக்கப்பட்டுள்ளது. இணையதளத்தில் படிக்கப்படும் இ-புக் வரி 18 சதவீதத்தில் இருந்து 5 சதவீதமாக குறைக்கப்பட்டுள்ளது.மேலும் செருப்புகளுக்கு ரூ.500 முதல் வரி விதிக்கப்பட்ட நிலையில் இப்போது ரூ.1000 முதல் 5 சதவீதம் வரி விதிக்கப்படும். டிவிகளில் 68 செ.மீ வரை இருப்பவற்றுக்கான வரி 28 சதவீதத்தில் இருந்து 18 சதவீதமாகக் குறைக்கப்பட்டுள்ளது. இந்த வரிகுறைப்பு அனைத்தும் இம்மாதம் 27-ம் தேதி முதல் நடைமுறைக்கு வரும். 

தி.மு.க., தலைவர் கருணாநிதி கவலைக்கிடம்... கட்சி நிகழ்ச்சிகள் ரத்து?

தி.மு.க., தலைவர் கருணாநிதி கவலைக்கிடமாக இருப்பதாக தகவல்கள் வெளியாகி வருகின்றன. 

கருணாநிதி உடல் நலக்குறைவால் கடந்த 2016 டிசம்பர் மாதம் 15ம் தேதி சென்னையில் உள்ள காவேரி மருத்துவமனையில் அனுமதிக்கப்பட்டார். தொண்டை மற்றும் நுரையீரல் தொற்று காரணமாக அவருக்கு தொடர் சிகிச்சை அளிக்கப்பட்டு வந்தது.  கடந்த 18ம் தேதி மீண்டும் காவேரி மருத்துவமனைக்கு கருணாநிதி அழைத்துச் செல்லப்பட்டார். மருத்துவமனையில் அவரை பரிசோதித்த மருத்துவர்கள், கருணாநிதியால் பழைய நிலைமைக்கு திரும்ப முடியாது’ எனத் தெரிவித்துள்ளனர். 

அவரது உடல் நலம் சீராக இல்லாததால் மருத்துவர்கள் பரிசோதனை செய்துள்ளனர். அப்போது இதயம் மட்டுமே துடிக்கிறது’ எனத் தெரிவித்ததாக கூறப்படுகிறது. இதனால், மருத்துவமனைக்கு அழைத்துச்செல்லப்படாமல் கோபலாபுரம் இல்லத்திலேயே கருணாநிதி வைக்கப்பட்டு உள்ளதாக கூறப்படுகிறது. இதனைத் தொடர்ந்து திமுகவினரின் பயணங்களும், கட்சி நிகழ்ச்சிகளும் ரத்து செய்யப்பட்டுள்ளதாக கூறப்படுகிறது. இந்தத் தகவல்கள் சமூக வலைதளங்களில் தீயாக பரவி வருகிறது.

ஆனால், இதுகுறித்து தி.மு.க., தரப்பிலிருந்து அதிகாரப்பூர்வ தகவல்கள் ஏதும் வெளியாகவில்லை. தி.மு.க நிர்வாகிகளும் அமைதிகாத்து வருவது சந்தேகத்தை உறுதி செய்யும் வகையில் உள்ளது. இதனால், தி.மு.க தொண்டர்கள் சோகத்தில் மூழ்கியுள்ளனர்.

என்று தவறாக  வதந்திகள் பரப்ப படுகிறது யாரும்  நம்ப வேண்டாம் . .கருணாநிதி நலமாக உள்ளார் என்று  மு.க. ஸ்டாலின்  பேட்டி.

அவிநாசி சமையலர் பாப்பாம்மாவை ஒரு இந்துப் பெண் என, இந்து/கிறித்துவ/இஸ்லாமியர் எவருமே குறிப்பிடவில்லை.

அவிநாசி சமையலர் பாப்பாம்மாவை ஒரு இந்துப் பெண் என,
இந்து/கிறித்துவ/இஸ்லாமியர் எவருமே குறிப்பிடவில்லை.

தலித்/தாழ்த்தப்பட்டவர்/ எஸ்சி/ அருந்ததியர் இப்படி எல்லாம் தான் ஊடகங்களில் குறிப்பிட்டு எழுதுகின்றனர்.

ஒரு பட்டியலினத்தவர் வன்கொடுமைக்கு உள்ளானால்,ஜாதியாக மட்டுமே பொதுச் சமூகம் பார்க்கும். இந்து எனும் போலி மத அடையாளம் ஆவியாகிப் போய் விடும்.

தலித் மக்கள் தாங்களாகவே தம்மை இந்து என்று சொல்லிக் கொள்கின்றனரே தவிர, அப்படி ஒரு அடையாளம் அவர்களுக்கு ஒரு போதும் கிடைக்காது.

கோவில் கட்டி பூஜை செய்தாலும்,
பாதயாத்திரை சென்றாலும், பார்ப்பனர்களை அழைத்து வீட்டு நிகழ்ச்சிகளை நடத்தினாலும் அவர்கள் இந்துவாகி விட முடியாது.

ஜாதி இந்து நாத்திகனுக்குக் கூட உறுதியான மத அடையாளம் இருக்கிறது.
தலித்துக்கு இந்து மத அடையாளம் கிடையாது.

இந்துக்களால் சுரண்டப் படுவதற்கும், அவமானப் படுத்தப் படுவதற்கும் தம்மை ஒப்புக் கொடுத்தவர்கள் போல இன்னும் எவ்வளவு காலத்தை பட்டியலினத்தோர் கழிக்கப் போகின்றனர்.?

தம்மம் தழுவ வழிகாட்டிச் சென்ற பாபாசாஹேப்பை, வெறும் வழிபாட்டுக்கு மட்டுமேயாக வைத்திருக்கும் வரை இதற்குத் தீர்வில்லை.

தமிழகத்தில் இப்படி ஒரு உணவகமா? நீங்கள் நம்ப மாட்டிங்க சொன்னா?

பொதுவாக உணவகங்கள் என்றாலே பரிமாறுபவர்கள் ஒரு ஆணோ பெண்ணொவாக தன இருப்பார்கள் .

நாம் வெளிநாடுகளில் ரோபோக்கள் இந்த மாதிரி வேலைகளை செய்வதை கேள்வி பட்டு இருப்போம். தற்போது கோவையில் உள்ள ரோபோர்ட் தீம் ரெஸ்ட்ராரென்ட் இல் உணவுகளை பரிமாறுவதற்கு ரோபோக்களை வைத்துள்ளார்களாம் .

தமிழகத்தில் இதுவே முதல் ரொம்போ பணியாற்றும் இடமாம் இந்த ரோபோக்களிடம் நம்மக்கு வேண்டிய உணவுகளின் பெயரை சொன்னால் அதை குறித்த நேரத்தில் கொண்டுவந்து சேர்க்கும். இந்த ரோபோவை பார்க்கவே கூட்டம் அலை மோதுகிறது உங்களுக்கும் டைம் இருந்த பொய் பாருங்க.

கொங்குச்சீமையை கலக்கிய TTV ஆடிப்போன எடப்பாடி பழனிச்சாமி

கோவையில் கொடிசியா மைதானத்தில் நேற்று நடைபெற்ற அம்மா மக்கள் முன்னேற்ற கழகத்தின் மாபெரும் பொதுக்கூட்டத்தில் லட்சக்கணக்கான மக்கள் பங்கேற்று, அவர்கள் முன்னிலையில் TTV தினகரன் உரையாற்றியுள்ளார்எடப்பாடியின் சொந்த ஊரான கொங்கு மண்டலத்தில் காவல்துறையின் கடுமையான கட்டுப்பாடுகளையும் மீறி ஏராளமான கட்சி தொண்டர்கள் கோவையை ஸ்தம்பிக்க செய்துள்ளனர்.இதனால் ஆளுந்தரப்பு அதிர்ந்து போய் உள்ளது மேலும் இது தினகரன் தரப்பினரால் ஆளுங்கட்சிக்கு கொடுக்கப்பட்ட மிகப்பெரிய அடியாகவே பார்க்கப்படுகிறது.

இந்திய வரலாற்றிலேயே இல்லாத வகையில் 3.25 லட்சம் செலவில் 70' உயரத்தில் பறக்கும் விடுதலைச்சிறுத்தைகளின் கொடி

இந்திய வரலாற்றிலேயே இல்லாத வகையில் 3.25 லட்சம் செலவில் 70' உயரத்தில் பறக்கும் விடுதலைச்சிறுத்தைகளின் கொடி. தற்போது காஞ்சி கல்பாக்கத்தில் தேசிய தலைவர் அறிவர் எழுச்சித்தமிழர் திருமாவளவன்   அவர்களின் திருக்கரங்களால் வானில்  ஏற்றி வைக்கப்பட்டது​.

சாதனை! காற்றாலை மின்சாரம் கொள்முதல்;

 ris

தமிழகத்தில் முதல் முறையாக, காற்றாலைகளில் இருந்து, 10.41 கோடி யூனிட் மின்சாரத்தை, மின் வாரியம் கொள்முதல் செய்துள்ளது.

தமிழகத்தில், 8,152 மெகா வாட் திறனில், காற்றாலை மின் நிலையங்கள் உள்ளன. இவற்றில் உற்பத்தியாகும் மின்சாரத்தை, மின்சார ஒழுங்குமுறை ஆணையம் நிர்ணயித்துள்ள விலைக்கு, மின் வாரியம் கொள்முதல் செய்கிறது. ஆண்டுதோறும், மே முதல் செப்., வரை, காற்றாலை சீசன்.

அப்போது, காற்றாலைகளில் இருந்து, அதிக மின்சாரம் கிடைக்கும்.

அதன்படி, நடப்பு சீசனில், காற்றாலைகளில் இருந்து, தினமும் சராசரியாக, ஒன்பது கோடி யூனிட்டிற்கு மேல் மின்சாரம் கிடைத்து வருகிறது. கடந்த, 2017 ஆக., 4ல், காற்றாலைகளில் இருந்து, 10.26 கோடி யூனிட் மின்சாரத்தை, மின் வாரியம் கொள்முதல் செய்தது. 

இதுவே, இதுவரை, மின் வாரியம் வாங்கிய, அதிக அளவாகும். இந்நிலையில், இம் மாதம், 18ம் தேதி, 10.41 கோடி யூனிட் காற்றாலை மின்சாரத்தை கொள்முதல் செய்து, மின் வாரியம், புதிய சாதனை படைத்துள்ளது.

இது குறித்து,காற்றாலை உற்பத்தியாளர்கள் கூறிய தாவது: ஆந்திரா, கர்நாடகா மாநிலங்களில், மொத்தமின் தேவையை பூர்த்தி செய்வதில், காற்றாலை மின்சாரத்தின் பங்கு, 40 சதவீதத்திற்கு மேல் உள்ளது.ஆனால், தமிழகத்தில், மின் வாரியம், சராசரியாக, 30 சதவீதம் மட்டுமே பயன்படுத்து கிறது. காற்றாலைகளில் இருந்து, தற்போது கிடைக்கும், 13 கோடி யூனிட்டிற்கும் அதிகமான மின்சாரத்தை முழுவதுமாக பயன்படுத்த, மின் வாரியம் நடவடிக்கை எடுத்தால் மட்டுமே, காற்றாலை உற்பத்தியாளர்கள் மகிழ்ச்சி அடைவர். இவ்வாறு அவர்கள் கூறினர்.

ரூ.100 நோட்டுகளை அறிமுகம் செய்யும் ரிசர்வ் வங்கி..

புதிய வடிவிலான ரூ.100 நோட்டுகளை ரிசர்வ் வங்கி விரைவில் அறிமுகம் செய்யவுள்ளது. காந்தி படத்துடன் வெளிர் நீல நிறத்தில் ரு.100 நோட்டு வெளியாகிறது. குஜராத்தில் உள்ள பழம்பெரும் சின்னமான ராணி படிக்கல் கிணற்றின் படம் புதிய ரூ.100 நோட்டில் இடம் பெற்றுள்ளது. புதிய ரூ.100 தாள் பழைய 100 ரூபாய் தாளை விட சிறியதாகவும், ரூ.10 தாளை விட சற்று பெரியதாகவும் இருக்கும். புதிய ரூ.100 தாள் வெளியானாலும் பழைய ரூ.100 தாள்கள் பயன்பாட்டில் இருக்கும் எனவும் தெரிவிக்கப்பட்டுள்ளது.

அதன்படி புதிய 100 ரூபாய் நோட்டுக்களை அச்சடிக்கும் பணியும் மத்திய பிரதேசத்தில் உள்ள கரன்சி அச்சகத்தில் துவங்கியுள்ளது. அடுத்த மாதமே இந்த ரூபாய் நோட்டுகள் புழக்கத்திற்கு வரும் என எதிர்பார்க்கப்படுகிறது. 

உலகின் மிக உயரமான மலைப்பாதையில் குவியும் சாகச விரும்பிகள்...

லெஹ்: உலகின் மிக உயரமான மலைப்பாதையில் சாகச பயணத்துக்காக சுற்றுலாப் பயணிகள் ஆர்வமாக குவிந்து வருகின்றனர். 
ஜம்மு-காஷ்மீர் மாநிலத்தின் நுப்ரா பள்ளத்தாக்கு பகுதியையும் லெஹ் என்னும் இடத்தையும் இணைக்கும் பாதையாக கர்துங் லா பாஸ் பகுதிய உள்ளது. இங்கு  சுற்றுலா பயணிகள் தற்போது குவிந்து வருகின்றனர்.

இந்த பாதை 5,000 மீ உயரமும், லேஹ்-வில் இருந்து 39.7 கி.மீ. தூரமும் கொண்டது. மேலும், இது நுப்ரா மற்றும் ஸ்யோக் பள்ளத்தாக்கை இணைக்கும் முக்கிய நுழைவுப் பாதையாகும் உள்ளது.

இந்த பாதை கோடை காலத்தில் மட்டுமே சுற்றுலா பயணிகள் செல்வதற்கு திறக்கப்படும். அந்த வகையில் இந்த மலைப்பாதையானது தற்போது திறக்கப்பட்டுள்ளது.

இதற்காக உலகின் பல இடங்களில் இருந்தும் சுற்றுலாப் பயணிகள் தற்போது இங்கு குவிந்து வருகின்றனர். அவர்கள் உலகின் மிக உயரமான மலைப்பாதையில் சாகச பயணத்தை உற்சாகமாக மேற்கொள்கின்றனர்.

இதில், பலர் இயற்கை எழில் கொஞ்சும் பனி படர்ந்த மலைகளை கண்டு ரசித்துக்கொண்டும், தங்களது கைப்பேசியில் புகைப்படம் எடுத்துவருகின்றனர்.

நாணயம் காய்க்கும் மரம் அதிர்ச்சியா இருக்கா ?

மரத்தில் பழங்கள், காய்கள் காய்ப்பதை பார்த்த நீங்கள் நாணயம் காய்ப்பதை பார்த்ததுண்டா... ஆரம்பத்தில் அதிர்ச்சியாக இருந்தாலும் நாணய மரம் உருவான விதம் சுவாரசியம் தான்!

1897 ஆம் ஆண்டு பட்டுப் போன மரத்தை முழுவதுமாக வெட்டாமல் கலைநயத்தோடு அவ்விடத்திலேயே வைத்து விட்டார்கள், 

பின்னர் அங்கு குடியேறிய விவசாயி செல்லாக்காசான நாணயங்களை மரத்தில் அறைந்து வந்தார்.

அவருக்கு பின்னர் வந்தவரும் அதே கலைப் பணியைச் செய்ய மரமும் நாணய விருட்சமாக மாறிவிட்டது. இப்போது இதில் 8,000 ற்கும் மேற்பட்ட நாணயங்கள் காணப்படுகின்றன.