தன் பிரசவத்துக்காக மருத்துவமனை வந்த மருத்துவர்: வேறு பெண்ணுக்கு பிரசவம் பார்த்த தருணம்..

தன் பிரசவத்துக்காக மருத்துவமனை வந்த மருத்துவர்: வேறு பெண்ணுக்கு பிரசவம் பார்த்த தருணம்..

நிறைமாத கர்ப்பிணியாக பிரசவத்துக்கு பெண் மருத்துவர் மருத்துவமனைக்கு வந்த நிலையில், வேறு பெண்ணுக்கு அவர் பிரசவம் பார்த்த தருணம் நெகிழ்ச்சியை ஏற்படுத்தியுள்ளது.

அமெரிக்காவின் Kentucky மாகாணத்தை சேர்ந்தவர் Amanda Hess. மகப்பேறு மருத்துவராக உள்ளார்.

நிறைமாத கர்ப்பிணியான இவர், தான் பணிபுரியும் மருத்துவமனையிலேயே தன் பிரசவத்துக்காக சேர்ந்துள்ளார். எப்போது வேண்டுமானாலும் குழந்தை பிறக்கும் என்ற நிலையில் அவர் இருந்துள்ளார்.

இந்நிலையில் அவரின் பக்கத்து அறையில் Leah Halliday என்ற பெண்ணும் பிரசவத்துக்காக அனுமதிக்கப்பட்டிருந்தார். அப்போது Leah Halliday வலியால் துடித்துள்ளார்

அந்த நேரத்தில் மருத்துவமனையில் வேறு மருத்துவர்கள் இல்லாததால், அவரின் சத்தத்தை கேட்டு நிறைமாத கர்ப்பிணியான Amanda அந்த அறைக்கு சென்றுள்ளார்.

பின்னர், செவிலியர்கள் உதவியுடன் Leah-வுக்கு பிரசவம் பார்த்த Amanda குழந்தையை வெற்றிகரமாக வெளியில் எடுத்துள்ளார்.

இதற்கு பிறகு வேறு மருத்துவர்கள் அங்கு வர பிரசவத்தில் Amanda-வுக்கு அழகான குழந்தை பிறந்துள்ளது.

மருத்துவர் Amanda கூறுகையில், மருத்துவர்கள் நோயாளியாக இருந்தாலும், அடுத்த நோயாளிகளை பற்றி தான் சிந்தித்து கொண்டிருப்போம்.

ஏற்கனவே Leah-ன் உடல்நிலையை சில தினங்களுக்கு முன்னர் நான் பரிசோதனை செய்ததால் எனக்கு பிரசவம் பார்க்க சுலபமாக இருந்ததாக தெரிவித்துள்ளார்.

Leah கூறுகையில், என் பிரசவம் நடக்கவிருந்த தக்க சமயத்தில் நல்ல மனதோடு Amanda உதவியது மகிழ்ச்சியாக உள்ளது என கூறியுள்ளார்.